अबूझमाड़ के लइका मन म नइ हे प्रतिभा के कमी: श्री भूपेश बघेल

मुख्यमंत्री नारायणपुर म सामिल होइन राष्ट्रीय युवा दिवस कार्यक्रम म
अबूझमाड़ क्षेत्र के विकास म नइ होवय संसाधन मन के कमी
मुख्यमंत्री ह नारायणपुर आश्रम के संग अपन बरिसों जुन्ना आत्मीय संबंध मन ल घलोक याद करिन

रायपुर, मुख्यमंत्री श्री भूपेश बघेल ह कहिन के अबूझमाड़ के लइका मन म प्रतिभा अऊ क्षमता के कोनो कमी नइ हे, जरूरत हे ओ मन ल अच्छा अवसर उपलब्‍ध कराए के। रामकृष्ण आश्रम ए काम ल बहुत अच्छा ढंग ले पूरा करत हे। छत्तीसगढ़ सरकार अबूझमाड़ क्षेत्र के विकास अऊ आश्रम के विकास म संसाधन मन के कोनो कमी नइ होन दय। मुख्यमंत्री श्री बघेल आज जिला मुख्यालय नारायणपुर स्थित रामकृष्ण मिशन आश्रम म स्‍वामी विवेकानंद के 125 वीं जयंती के अवसर म आयोजित राष्ट्रीय युवा दिवस कार्यक्रम ल सम्बोधित करत रहिन।
ये बरेा म मुख्यमंत्री ह कहिन के ईश्वर के पूजा तो सबो करथें, फेर ईश्वर के सन्तान के सेवा कोनो नइ करंय। स्‍वामी रामकृष्ण परमहंस अऊ स्‍वामी विवेकानंद ह ए उद्देश्य ल लेके नर-नारायण के सेवा करिन। ये काम आज घलोक समर्पण के संग ए आश्रम कोति ले करे जात हे। ए अवसर म राज्य के उद्योग मंत्री श्री कवासी लखमा, कोण्डागांव विधायक श्री मोहन मरकाम अऊ नारायणपुर विधायक श्री चंदन कश्यप विशेष अतिथि के रूप म उपस्थित रहिन।

लउछरहा..