कठबुडा के आठवीं कक्षा के छात्रा कुमारी अंजली के चयन

इन्स्पायर अवार्ड योजना : विज्ञान मॉडल प्रदर्शनी म अंजली के चयन राष्ट्रीय स्तर म

अम्बिकापुर, इन्स्पायर अवार्ड योजना अंतर्गत सरगुजा जिला के सीतापुर जनपद अंतर्गत आवइया शासकीय पूर्व माध्यमिक शाला कठबुडा के आठवीं कक्षा के छात्रा कुमारी अंजली के चयन विज्ञान मॉडल प्रदर्शनी के तहत राष्ट्रीय स्तर म होय हे। कलेक्टर डॉ. सारांश मित्तर ह कुमारी अंजली के चयन राष्ट्रीय स्तर म होए म ओकर उज्जवल भविष्य के शुभकामना देहे हे अउ हर्ष व्यक्त करे हे। कुमारी अंजली ह मार्गदर्शक शिक्षक श्री अजय खलखो के मार्गदर्शन म उत्कृष्ट प्रदर्शन करे हे। जिला शिक्षा अधिकारी श्री संजय गुप्ता ह मार्गदर्शक शिक्षक अउ विद्यालयीन परिवार के बेहतर प्रयास के सराहना करत ओ मन ल घलव बधाई प्रेषित करे हें।
आप मन ल हम बता देवन के 10 अउ 11 जनवरी 2019 के दिन खालसा पब्लिक स्कूल मालवीय नगर चौक तीर जी.ई. रोड दुर्ग म आयोजित राज्य स्तरीय विज्ञान मॉडल प्रदर्शनी म कुमारी अंजली के चयन राष्ट्रीय स्तर बर करे गए हे।

Chhattisgarhi : Website Localization, Translation & Transcription Services. Halbi, Gondi, Sargujiya & Chhattisgarhi.

लउछरहा..