कैबिनेट मंत्री रविन्द्र चौबे के पंचायत सचिव संघ ह करिस सम्मान

बेमेतरा, प्रदेश के संसदीय कार्य, विधि विधायी, कृषि अउ जैव प्रौद्योगिकी, पशुपालन, मछली, जलसंसाधन अउ आयाकट मंत्री श्री रविन्द्र चौबे के काल पंचायत सचिव संघ कोति ले तहसील साजा म सम्मान अउ अभिनंदन करे गीस। कैबिनेट मंत्री श्री चौबे ह ये बेरा म कहिन के मोर सार्वजनिक जीवन के शुरूआत पंचायत प्रतिनिधि के रूप म होए रहिस हे अऊ मैं क्षेत्र के जनता के सहयोग अऊ आशीर्वाद ले सातवां पइत विधायक चुने गए हंव। उमन कहिन के प्रदेश सरकार किसान, गरीब अऊ मजदूर मन के हित मन बर प्रतिबद्ध हे।

त्रि-स्तरीय पंचायती राज, पंचायत के रीढ़ के हड्डी हे, सबो पंचायत प्रतिनिधि जिला के विकास म सहभागी बनव। कैबिनेट मंत्री श्री चौबे ह कहिन के मुख्यमंत्री भूपेश बघेल ह कार्यभार संभालतेच सबले पहिली किसान मन के करजा माफ करे के कार्यवाही करिस। प्रदेश सरकार अपन वचन के मुताबिक 2500 रूपिया प्रति कुंटल म धान के समर्थन मूल्य म धान के खरीदी करत हे।

एखरे संग बिजली बिल के दर म घलव कमी करे जाही। उमन कहिन के निर्माण कार्य मन म भ्रष्टाचार बर्दाश्त नइ करे जाय, संगेच स्वीकृत काम समय म पूरा होवय। ए अवसर म कलेक्टर महादेव कावरे, अनुविभागीय अधिकारी राजस्व साजा उमाशंकर साहू, जनपद पंचायत के सीईओ प्रकाश मेश्राम अउ बड़ संख्या म ग्रामीणजन उपस्थित रहिन।

लउछरहा..