खाद-बीज के भरपूर भण्डारण अउ वितरण के दीन निर्देश

  • अपर मुख्य सचिव हर करिन खरीफ फसल मन के तैयारी के समीक्षा

रायपुर 18 मई 2017। अपर मुख्य सचिव कृषि श्री अजय सिंह हर आज इहां मंत्रालय (महानदी भवन) मं विभागीय अधिकारी मन के बैठक लेके खरीफ मौसम 2017 मं बोए जाए वाले अनाज, दलहन, तिलहन के फसल मन संग खाद्य अउ बीज के उपलब्धता के समीक्षा करिन। बैठक मं खरीफ क्षेत्राच्छादन अऊ फसल प्रदर्शन के लक्ष्य, किसान मन ल खरीफ ऋण वितरण, मिट्टी परीक्षण, स्वायल हेल्थ कार्ड वितरण संग अल्प या अतिवर्षा के स्थिति मं आकस्मिक कार्ययोजना के समीक्षा करे गीस। अपर मुख्य सचिव हर खरीफ साल 2017 बर खाद्य बीज के निरधारित लक्ष्य के अनुसार भण्डार अउ वितरण के व्यवस्था सुनिश्चित करे के निर्देश अधिकारी मन ल दीन। उमन कहिन कि कृषि विभाग के मैदानी अमला के संगेच सहकारी समितिय मन के स्तर ले किसान मन ल खाद्य अउ बीज के अग्रिम उठाव करे बर प्रेरित करे जाए।
बैठक मं बताय गीस कि खरीफ साल 2017 मं 3960 हेक्टेयर क्षेत्र मं अनाज (धान, मक्का अउ अऊर फसल), 383 हेक्टेयर क्षेत्र मं दलहन (अरहर, उडद अउ अऊर फसल) अऊ 312 हेक्टेयर क्षेत्र मं तिलहन (सोयबीन, तिल अउ अऊर तिलहन) बोनी के लक्ष्य रखे गए हे। खरीफ फसल मन बर सात लाख 44 हजार 965 क्विंटल बीज के मांग के बर बीज निगम मं आठ लाख 75 हजार 207 क्विंटल बीज दे जात हे। ये मां ले दो लाख 63 हजार 822 क्विंटल बीज मन के भण्डारण समिति मन मं करे जा चुके हे। सहकारी क्षेत्र मं 6 लाख 5 हजार मिटरिक टन उर्वरक के भण्डारण के लक्ष्य रखे गए हे। जेखर विरूद्ध 3 लाख 64 हजार मिटरिक टन उर्वरक मार्कफेड मं देवाए गए हे। ये मां ले एक लाख 8 हजार मिटरिक टन उर्वरक समिति मन मं भण्डारित करे जा चुके हे। बैठक मं बताय गीस कि खरीफ साल 2017 मं किसान मन ल 3200 करोड़ रूपया खरीफ ऋण वितरण के लक्ष्य हे। अब तक 386 करोड़ 13 लाख रूपया के ऋण वितरित करे जा गए हे। अधिकारी मन हर बताइन कि दलहन अउ तिलहन के रकबा मं बढ़ोतरी करे के कार्ययोजना तैयार करे गए हे।
बैठक मं बताय गीस कि मिट्टी परीक्षण अउ स्वायल हेल्थ कार्ड पहिली चरण साल 2015-16 अऊ 2016-17 मं 38 लाख 90 हजार 709 स्वायल हेल्थ कार्ड के लक्ष्य के विरूद्ध 43 लाख 25 हजार 390 स्वायल हेल्थ कार्ड तैयार करे गए हे जेखर वितरण किसान मन ल करे जात हे। अपर मुख्य सचिव श्री अजय सिंह हर 31 मई 2017 तक शिविर आयोजित करके तैयार होवत स्वायल हेल्थ कार्ड के वितरण करे के निर्देश दीन। दूसरी चरण मं साल 2017-18 मं 4 लाख 69 हजार 378 मिट्टी नमूना संग्रहण के लक्ष्य रखे गए हे। निरधारित लक्ष्य के अनुसार 60 प्रतिशत मिट्टी नमूना 30 जून तक किसान मन के खेत ने अनिवार्य रूप से संग्रहित करे के निर्देश घलोक अधिकारी मन ल दीन। बैठक मं प्रबंध संचालक मार्कफेड श्री हिमशिखर गुप्ता, प्रबंध संचालक बीज निगम श्री आलोक अवस्थी, प्रबंध संचालक अपेक्स श्री एच.के. नागदेव, संचालक उद्यानिकी श्री नरेन्द्र कुमार पाण्डे अउ अपर संचालक कृषि डॉ. एस.आर. रात्रे संग अऊर अधिकारी उपस्थित रहिन।

लउछरहा..