गन्ना कारखाना मन म रिकव्हरी बढ़ाए के निर्देश

डॉ. प्रेमसाय सिंह ह करिन शक्कर कारखाना मन के समीक्षा

रायपुर, सहकारिता मंत्री डॉ. प्रेमसाय सिंह आज छत्तीसगढ़ राज्य सहकारी बैंक (अपेक्स बैंक) के सभाकक्ष म राज्य म स्थापित चार सहकारी शक्कर कारखाना मन के काम-काज के समीक्षा करिन। उमन अधिकारी मन ल शक्कर कारखाना मन के उपयोग जादा ले जादा किसान मन के हित म करे, गन्ना ले शक्कर बनाए के क्षमता (रिकव्हरी) बढ़ाए बर उन्नत किसिम के बीज, गन्ना के रकबा बढ़ाके उत्पादन बढ़ाए के निर्देश दीन। डॉ. सिंह ह अधिकारी मन ल उत्पादन लागत कम करे के उपाय सुझाए, कारखाना मन म शक्कर के अलावा सह उत्पाद जइसे मोलासीस, प्रेसमड़, बगास ले बिजली उत्पादन अऊ बिक्री के काम योजना बनाए के घलोक निर्देश दीन।

लउछरहा..