गांव वाले मन बर लाभकारी हिस बुंदेला शिविर : 415 आवेदन के मौका म निराकरण

बेमेतरा, 20 जुलाई 2018। आम जनता के समस्या मन के मौकेच म निराकरण करे के उद्देश्य ले जिला के नवागढ़ ब्लॉक के सुदूरवर्ती ग्राम बुंदेला म आज सुकरवार के दिन आयोजित जिला स्तरीय जनसमस्या निवारण शिविर गांव वाले मन बर लाभकारी रहिस। शिविर म आए कुल 468 आवेदन मन म ले 415 आवेदन मन के मौकेच म निराकरण कर दे गीस। शेष आवेदन मन बर समय सीमा निरधारित करे गइस। सहकारिता, संस्कृति अउ पर्यटन मंत्री श्री दयालदास बघेल अउ कलेक्टर श्री महादेव कावरे ह आम नागरिक मन के समस्या मन ले रू-ब-रू होके ऊंखर उचित निराकरण बर अधिकारी मन ल जरूरी दिशा निर्देश दीन। मिडिल स्कूल परिसर म आयोजित शिविर म जिला के विभागीय अधिकारी मन ह मंच म आकर अपन-अपन विभाग कोति ले संचालित कल्याणकारी योजना मन के जानकारी गांव वाले मन ल देके एकर लाभ उठाए के अपील करिन। एमां प्रमुख रूप ले कृषि, श्रम, विद्युत, महिला अउ बाल विकास, मछली पालन, खाद्य, आदिम जाति, स्वास्थ्य, शिक्षा, प्रमुख रूप ले सामिल हे। शिविर म अंचल के 19 महिला हितग्राही मन के प्रधानमंत्री उज्जवला येाजना के अंतर्गत कनेक्शन के वितरण सहकारिता मंत्री कोति ले करे गीस।
ए अवसर म जिला पंचायत के से.ई.ओ. श्री एस. आलोक, अपर कलेक्टर श्री एस. आर. महिलांग, उप संचालक कृषि श्री शशांक शिंदे, खाद्य अधिकारी श्री भूपेन्द्र मिश्रा, अनुविभागीय अधिकारी राजस्व नवागढ़ श्री डी.एस. उइके, कार्यपालन अभियंता पी.एच.ई. श्री परीक्षित चैधरी, सिंचाई श्री कुलदीप नारंग, पी.एम. ग्राम सड़क येाजना श्री साहू, नायब तहसीलदार श्री रवि कुर्रे, जनपद पंचायत नवागढ़ के अध्यक्ष श्री टारजन साहू, जिला पंचायत सदस्य श्री अंजू बघेल, सरपंच बंदुेला श्रीमती रेशमबाई राजपूत, भिलौनी लुकेश वर्मा, परसदा सरपंच राजेश साहू, पुटपुरा सरपंच श्रीमती शांता बंजारे, नारायणपुर सरपंच श्रीमती शकुंतला साहू, जनपद पंचायत सदस्य श्री राधेश्याम यदु, देविता वर्मा, श्री चंद्रकांत ठाकुर, श्री नरेन्द्र राजपूत संग सर्व जिला प्रमुख अधिकारी अउ बड़ी संख्या म ग्रामीणजन उपस्थित रहिन।

लउछरहा..