गुजरा के कुंदन के “अंतर्राष्ट्रीय अंटार्कटिका” अभियान बर होइस चयन


(adsbygoogle = window.adsbygoogle || []).push({});

बालोद। छत्तीसगढ़ संग देश बर ए एक बढि़या खबर हे कि अंतर्राष्ट्रीय अंटार्कटिका अभियान 2017 खातिर बालोद के एक जवान कुंदन के चयन होए हे। भिलाई के एक कॉलेज ले बीसीए करत बालोद के गांव गुजरा के कुंदन के चयन 125 देश के 90 प्रतिभावान युवा मन ले करे गए हे।

कुंदन ह बताइस कि ओला इंटरनेट म एखर बारे म जानकारी मिलिस, तेखर बाद कुंदन ह ऑनलाइन आवेदन करिस। अपन थीम ‘पर्यावरण को गांव से शहर ले जाना’ के आधार म कुंदन के चयन होइस, जिखर जानकारी 1 फरवरी को ओला मिलिस। ब्रिटेन के प्रख्यात पर्यावरणविद् रोबर्ट स्वान के नेतृत्व म पर्यावरण संरक्षण अउ युवा मन के पर्यावरण म संलिप्तता विषय उपर अध्ययन करेे के कुंदन ल अवसर मिलही। 5 ले 15 मार्च तक ये अभियान चलही।


(adsbygoogle = window.adsbygoogle || []).push({});

लउछरहा..