छत्तीसगढ़ के तीन आंगनबाडी़ कार्यकर्ता मन ल मिलीस राष्ट्रीय पुरस्कार

आंगनबाड़ी सेवा के सुग्‍धर क्रियान्वयन बर केन्द्रीय मंत्री श्रीमती मेनका गांधी ह करिस पुरस्कृत

रायपुर, छत्तीसगढ़ के तीन आंगनबाडी़ कार्यकर्ता मन ल आंगनबाडी़ सेवा के सुग्‍धर क्रियान्वयन बर आज राष्ट्रीय पुरस्कार ले सम्मानित करे गीस। ये पुरस्कार छत्तीसगढ़ के जशपुर जिला के आंगनबाड़ी कार्यकर्ता श्रीमती प्रेमलता चक्रेश, दुर्ग जिला के आंगनबाडी़ कार्यकर्ता श्रीमती मीना वर्मा अउ कोरबा जिला के आंगनबाडी़ कार्यकर्ता श्रीमती पूनम बिंझवार ल केन्द्रीय महिला अउ बाल विकास मंत्री श्रीमती मेनका गांधी ह प्रदान करिस। नई दिल्ली के प्रवासी भारतीय केन्द्र म आयोजित कार्यक्रम म ये पुरस्कार उमन ल आंगनबाडी़ केन्द्र मन म पूरक पोषण आहार, टीकाकरण, औपचारिक शिक्षा व आन सेवा मन के बेहतर क्रियान्वयन बर प्रदान करे गीस।

मुख्यमंत्री श्री भूपेश बघेल ह छत्तीसगढ़ के आंगनबाड़ी केन्द्र के इन तीनो कार्यकर्ता मन राष्ट्रीय पुरस्कार ले सम्मानित होए म प्रसन्नता व्यक्त करे हें। श्री बघेल ह जशपुर जिला के श्रीमती प्रेमलता चक्रेश, दुर्ग जिला के श्रीमती मीना वर्मा अऊ कोरबा जिला के श्रीमती पूनम बिंझवार ल ए महत्वपूर्ण उपलब्धि बर हार्दिक बधाई अऊ शुभकामना देहे हें। मुख्यमंत्री ह अपन शुभकामना संदेश म कहे हें के राज्य के ए तीनों आंगनबाड़ी कार्यकर्ता मन के ये उपलब्धि आन आंगनबाड़ी कार्यकर्ता मन बर घलोक प्रेरणादायक हे। हम आप ल बता देवन के ए तीनों कार्यकर्ता मन ल आज नई दिल्ली के प्रवासी भारतीय केन्द्र म आयोजित समारोह म केन्द्रीय महिला अउ बाल विकास मंत्री श्रीमती मेनका गांधी ह पुरस्कार दीस।

लउछरहा..