छत्‍तीसगढ़ म महिला मन बर सखी वन स्टॉप सेंटर करत हे बड़ अच्‍छा काम

महिला अउ बाल विकास मंत्री ह करिस सखी वन स्टॉप सेंटर के अवलोकन

रायपुर, महिला अउ बाल विकास मंत्री श्रीमती अनिला भेंड़िया ह आज इहां राजधानी रायपुर के कालीबाड़ी स्थित जिला अस्पताल परिसर म संचालित सखी वन स्टॉप सेंटर के अवलोकन करिस। ए दौरान उमन सखी सेंटर म महिला मन ल देहे जात कई ठन सेवा मन के अऊ इहां आए मामला मन के निराकरण के जानकारी लीन। उमन ए केन्द्र के उत्कृष्ट काम करइया कर्मचारि मन ल चिनहा अऊ चेक प्रदान करके पुरस्कृत घलोक करिन।
श्रीमती भेंड़िया ह कहिन कि सखी वन स्टॉप सेंटर पीड़ित अऊ जरूरतमंद महिला मन ल एक छत के नीचे तुरंते सहायता पहुंचाए के एक सुलभ माध्यम हे एखर माध्यम ले प्रदेश के महिला मन अपन विरूद्ध होवत अत्याचार के विरोध म खुलकर सामने आए के हिम्मत करत हें। उमन प्रदेश के महिला मन ले अपील करिन के बेझिझक सखी वन स्टॉप सेंटर आके मदद लेवव संगेच अधिकारी मन ल मामला मन के जल्दी निपटारा के निर्देश दीन।
Chhattisgarhi : Website Localization, Translation & Transcription Services. Halbi, Gondi, Sargujiya & Chhattisgarhi.
महिला बाल विकास विभाग के आयुक्त सह सचिव डॉ.एम.गीता ह बताइस कि जुलाई 2015 म रायपुर म देश के पहिली सखी वन स्टॉप सेंटर के स्थापना करे गए रहिस। ए सेंटर ल उत्कृष्ट काम बर साल 2017 के नारी शक्ति पुरस्कार ले नवाजे गए हे। उमन बताइस के छत्तीसगढ़ देश के पहिली अइसे राज्य हे जेखर हर एक जिला म सखी वन स्टॉप सेंटर संचालित हे। ए सेंटर मन म सबो वर्ग, धर्म, संप्रदाय के महिला मन ल एके छत के नीचे उंखर जरूरत के मुताबिक चिकित्सा, विधिक सहायता, मनोवैज्ञानिक सलाह, पुलिस सहायता, अस्थायी आश्रय, मानसिक चिकित्सा अऊ परामर्श के सुविधा देहे जात हे।
उमन बताइस के रायपुर स्थित सखी वन स्टॉप सेंटर म अब तक करीबन 2 हजार 901 मामला दर्ज करे गे हे। एमां ले एक हजार 536 प्रकरण मन के निराकरण करे जा चुके हे। संगेच 871 महिला मन ल आश्रय प्रदान करे गए हे। ए अवसर म महिला बाल विकास विभाग के वरिष्ठ अधिकारी मन संग सखी वन स्टॉप सेंटर के अधिकारी-कर्मचारी उपस्थित रहिन।

लउछरहा..