जनता के मया अउ समर्थन ले स्पष्ट हे के छत्‍तीसगढ़ म विकास के कमल खिलही – डॉ. रमन सिंह

छत्‍तीसगढ़ के कई जघा म डॉ. रमन सिंह के चुनावी सभा

डॉ. रमन सिंह आज छत्‍तीसगढ़ के कई क्षेत्र म चुनावी सभा ल संबोधित करत भाजपा के उम्‍मीदवार मन ल जिताये के आहवान करिन। उमन कटघोरा विधानसभा के गजरा म आयोजित आमसभा म उपस्थित विशाल जनसमूह के उत्साह अउ समर्थन भाजपा शासन के पाछू 15 बछर के सुशासन के प्रतिफल ये। जनता के विश्वास भाजपा सरकार के द्वारा करे विकास म हे, छत्तीसगढ़ म कमल फेर खिलही अऊ प्रदेश तेज़ी ले आगू बढ़ही। उमन कहिन के कटघोरा के जनता के ये प्रेम अऊ आशीर्वाद भाजपा ह पाछू 15 बछर के अथक परिश्रम ले कमाए हे। आज स्थानीय मनखे मन ह मुख्‍यमंत्री डॉ. रमन सिंह जी के संग कटघोरा विधानसभा म एक पइत फेर कमल खिलाके लखनलाल देवांगन ल विजयी बनाए के संकल्प लीन।
खरसिया क्षेत्र के सभा म उमन कहिन के नवा खरसिया म हम हमार आदिवासी भाई बहिनी मन ल शिक्षित अउ कुशल बनाके ओ मन ल समाज के मुख्यधारा ले जोड़बोन। अनुसूचित जाती-जनजाति के युवा मन ल काबिलियत के हिसाब ले रोज़गार के अवसर मिलही अऊ लइका मन ल गुणवत्तापूर्ण शिक्षा दे जाही। उमन आहवान करिन के आवव, संग मिलके एक सुन्‍दर अऊ खुशहाल खरसिया बनाव।
प्रेमनगर के सभा म उमन कहिन के 12 तारीक के दिन 18 विधानसभा मन म होए मतदान म जनता ह भारी उछाह के संग भाजपा उपर म भरोसा देखाए हे। प्रेमनगर के जनता ले अपील हे कि आप मन घलोक कमल म बटन दबाके भाजपा प्रत्याशी श्री विजय प्रताप सिंह ल प्रचंड मत ले विजयी बनावव अऊ क्षेत्र के विकास ल गति देहे म योगदान देवव।


आज प्रेमनगर विधानसभा क्षेत्र म मुख्‍यमंत्री डॉ. रमन सिंह जी ह भाजपा प्रत्याशी विजय प्रताप सिंह ल भारी मत ले विजय बनाके छत्तीसगढ़ म सुशासन के कमल खिलाए के अपील करिन। सामरी विधानसभा के शंकरगढ़ म आयोजित कार्यक्रम म मुख्‍यमंत्री डॉ. रमन सिंह ह कहिन के इहां आपमन के भाजपा के उछाह के संग स्वागत करे बर बर आप मन ल हार्दिक आभार। सामरी के जनता के आत्मीयता अउ समर्थन ले स्पष्ट हे कि इहां विकास के कमल खिलही।
इही कड़ी म “छत्तीसगढ़ ह ठाने हे, फेर से कमल खिलाना हे।” आज माननीय प्रधानमंत्री श्री नरेन्‍द्र मोदी जी के संग भारत माता के जय उद्घोष ले बिलासपुर क्षेत्र के जनता ह उछाह के संग भाजपा के प्रत्याशी मन के स्वागत करिन।
बलौदाबाजार विधानसभा क्षेत्र के नेवरा म आयोजित आमसभा म क्षेत्र के जनता के बीच मुख्‍यमंत्री डॉ. रमन सिंह ह कहिन के पाछू 15 बछर म भाजपा के सरकार कोति ले करे काम मन ल विकास के कसौटी म परखकर देखव एला आप मन अपन उम्मीद के मुताबिक पाहू। हमन योजना बनाके ज़मीनी स्तर म काम करे हवन, एकरे सेती आज बलौदाबाज़ार अपन एक नवा चमक बिखेरत हे।


उमन कहिन के भारतीय जनता पार्टी जऊन कहिथे वो करथे। हमन अब तक बहुत अकन योजना बनाके गाँव, गरीब किसान ल एकर लाभ देहे हे। भाजपा के संकल्प हे के छत्तीसगढ़ के जन-जन के हित म आगू घलोक तेज़ी के संग काम करत रहिबोन। आप मन के संग अउ जनता के विश्वास ले हम नवा छत्तीसगढ़ के निर्माण बर कृत संकल्पित हवन।
उमन पहिली चरन के सफल मतदान उपर बधाई देवत कहिन के छत्तीसगढ़ म पहिली चरण के चुनाव म अति उत्साह के संग मतदान करके लोकतंत्र के महापर्व ल सफल बनइया बस्तर संभाग अऊ राजनांदगांव जिला के सबो ज़िम्मेदार नागरिक मन के मैं ह्रदय ले अभिनंदन करत हूँ। आप मन के ये प्रयास छत्तीसगढ़ के विकास ल अउ आगू ले जाय म महत्वपूर्ण भूमिका अदा करही।

लउछरहा..