ताम्रध्वज के धजा फहरे लागिस

दुर्ग ग्रामीण विधानसभा के कांग्रेस पार्टी के अधिकृत प्रत्याशी ताम्रध्वज साहू ह आज दुर्ग ग्रामीण क्षेत्र के ग्राम हनोदा म ग्राम वासी मन के संग विधानसभा चुनाव के जनसंपर्क यात्रा के शुरुआत करके चुनाव प्रचार चालू करिस। गांव वाले मन छत्तीसगढ़ के परंपरागत राउत नाचा के संग ताम्रध्वज साहू जी के स्‍वागत करिन अउ जघा-जघा फूल माला पहिनाके आरती उतारिन।
ताम्रध्वज साहू अपन समर्थक मन के संग जनसंपर्क यात्रा के बेरा ग्राम हनोदा, कोड़िया, भानपुरी, जंजगीरी, रिसामा, मतवारी, चिरपोटी, मचांदुर, घुघसीडीह, खोपली, करगाडीह, बोरीगारका, कातरो, मातरो अउ धनोरा के दौरा करके ग्राम वासी मन ल कांग्रेस पार्टी के पक्ष म मतदान करे के अपील करिन।
जनसमुदाय ल संबोधित करत ताम्रध्वज साहू ह कहिन के असंवेदनशील भाजपा सरकार ल अब उखाड़ फेंकना हे। उमन कहिन के प्रदेश के अभी हाल के भाजपा सरकार हर रूप ले गरीब किसान- मजदूर मन के विरोधी सरकार हे। जेमन सिरिफ ए प्रदेश ल लूटे अउ इहां के खनिज-संपदा के दोहन करे के काम करे हे, भाजपा कोति ले लागू करे गए तमाम जनविरोधी नीती मन ले गांव के किसान मन अउ आम जनमानस मन म भारी आक्रोश हे, जनता ए मन ल सबक सिखाही।
ए अवसर म दाऊ खिलावन चन्द्राकर, डॉ. फले चन्द्राकर, हिमाचल चन्द्राकर, केशव बंटी हरमुख, मोहन लाल साहू, फिरतू कुंभकार, लोकेश चन्द्राकर, तेजराम चंदेल, विकाश चन्द्राकर, विजय यादव, नरेश यादव, चुरामन ठाकुर, शंभु साहू, पुरषोत्तम देशमुख, तरुण बंजारे, विजय ठाकुर, सुरेश ठाकुर, प्रीतम साहू, आशीष दीवान, तुकाराम, मनोज कुमार, भगवती देशमुख, बलदाऊ देशमुख, श्याम देशमुख, शिव मंगल देशमुख, देवदास, देवेंद्र देशमुख, टोमन लाल साहू, सरपंच रामायण साहू, राम चरण साहू, विजय बंजारे, चंद यादव, तिजउ यादव, देवलाल दिलीप साहू, थानेश्वर बंजारे, धरमिन साहू संग क्षेत्र के सम्मानित सरपंच, पूर्व सरपंच, पंच संग सैकड़ो ग्रामवासी उपस्थित रहिन।

लउछरहा..