दूसर चरण म होवइया मतदान बर मुख्य निर्वाचन पदाधिकारी ह लीन वीडियो-कान्फ्रेंस

जिला निर्वाचन अधिकारी मन ल दीन जरूरी दिशा-निर्देश
दूसर चरण म 72 विधानसभा मन म होही 20 नवम्बर के दिन मतदान

छत्तीसगढ़ विधानसभा आम निर्वाचन-2018 के पहिली चरण के मतदान के बाद दूसर चरण म 72 विधानसभा मन म 20 नवम्बर के दिन होवइया मतदान के सम्बन्ध म मुख्य निर्वाचन पदाधिकारी श्री सुब्रत साहू ह आज वीडियो कॉन्फ्रेंसिंग के जरिये समीक्षा करिन। उमन दूसर चरण के मतदान बर संबंधित विधानसभा क्षेत्र मन के जिला निर्वाचन अधिकारी मन ले निर्वाचन सम्बन्धी जानकारी लीन अउ जरूरी दिशा निर्देश दीन। उमन मतदान दल मन के समय म रवानगी सुनिश्चित करे संग ईव्हीएम अऊ व्हीव्हीपैट के तकनीकी पहलु मन के बारीकी मन ले मतदान दल मन ल फेर से अवगत कराए के सम्बन्ध म जरूरी निर्देश दीन। वीडियो कॉन्फ्रेंसिंग के समय अकतहा मुख्य निर्वाचन पदाधिकारी डॉ.एस. भारतीदासन, संयुक्त सीईओ श्रीमती पद्मिनी भोई साहू अउ डॉ. के.के.आर. सिंह, मास्टर ट्रेनर पुलक भट्टाचार्य, श्री रूपेश वर्मा समेत आन अधिकारी मौजूद रहिन।

लउछरहा..