दू देश मन के दौरा म राष्ट्रपति रामनाथ कोविंद पहुंचिन सिडनी

दू देश मन के अपन यात्रा के दूसर पड़ाव म राष्ट्रपति रामनाथ कोविंद सिडनी पहुंच गे हें। कोविंद जी पहिली भारतीय राष्ट्रपति हें जऊन ऑस्ट्रेलिया के राजकीय यात्रा म गे हें। राष्ट्रपति के ये दौरा अड़बड़ महत्वपूर्ण हे काबर के पाछू कुछ बछर म दुनों देश मन ह कई ठन क्षेत्र मन म निवेश उपर सहमति जताए हे जेमां कौशल विकास घलोक सामिल हे।
ऑस्ट्रेलिया म मुख्य पेशेवर के रूप म बड़ संख्या म भारतीय रहिथें अऊ शिक्षा, स्वास्थ्य, आईटी, एकांउट संग कई क्षेत्र मन म अपन महत्वपूर्ण योगदान देवत हें।
एखर ले पहिली राष्ट्रपति रामनाथ कोविंद ह काल वियतनाम के राष्ट्रपति गुयेन फू ट्रोंग के संग कई ठन मुद्दा मन म व्यापक बातचीत करिन। दूनो देश मन के बीच प्रतिनिधिमंडल स्तरीय वार्ता के बाद 4 समझौता म हस्ताक्षर करे गीस। भारत अऊ वियतनाम रक्षा, परमाणु उर्जा अउ तेल अउ गैस के क्षेत्र म संबंध अऊ मज़बूत करे म सहमत होइन।

लउछरहा..