देश के विकास ल छत्तीसगढ़ ह दीस नवा परिभाषा- बृजमोहन

  • बृजमोहन अग्रवाल ह कहिन के विरोधी पूर्वाग्रह ले ग्रसित होके राजनैतिक कारन ले एखर तरक्की ल स्वीकारे म हिचकत हें

रायपुर, 25.04.2018। प्रदेश के कद्दावार भाजपा नेता अउ छत्तीसगढ़ प्रदेश के कृषि अउ सिंचाई मंत्री बृजमोहन अग्रवाल कोति जारी बयान म उमन कहे हें के देश म तेजी ले विकास करइया चुनिंदा राज्य मन म छत्तीसगढ़ अग्रणी राज्य हे। हर दृष्टि ले, हर क्षेत्र म छत्तीसगढ़ ह बहुतेच कम समय म एक मुकाम हासिल करे हे। सिरिफ 17 साल पहिली एखर गिनती देश के सबले पिछड़े अऊ बिमारु क्षेत्र म होत रहिस। कांग्रेस अउ कांग्रेसनीत सरकार मन ह कभू ए क्षेत्र के चिंता नइ करिस अऊ न ही छत्तीसगढ़ के वासी मन के तकलीफ ल समझिस। हम छत्तीसगढ़ वासी मन बर ये सौभाग्य के बात रहिस कि पूर्व प्रधानमंत्री अटल बिहारी वाजपेई जी ह इहां के मनखे मन के पीरा ल महसूस करिस अऊ अलग राज्य के सौगात दीस। आज देखव सिरिफ 17 बछर म ही अटल जी के बनाय ये छत्तीसगढ़ राज्य तरक्की के राह म तेज गति ले बढ़त हे। उमन कहिन कि विरोधी पूर्वाग्रह ले ग्रसित होके राजनैतिक कारन ले ए तरक्की ल स्वीकारे म हिचकत हें।


(adsbygoogle = window.adsbygoogle || []).push({});

डॉ मनमोहन सिंह के नेतृत्व वाले यूपीए सरकार ह अउ अभी हाल के नरेंद्र मोदी जी के नेतृत्व वाले एनडीए सरकार ह, सबो मन ह छत्तीसगढ़ के विकास ल सराहे हें अऊ सम्मानित करे हे। अइसन म नीति आयोग के सीईओ अमिताभ कांत कोति ले देहे गए बयान ल तोड़-मरोड़के राजनैतिक स्वरूप प्रदान करना अनुचित हे। जबकि उमन बीजापुर, दंतेवाड़ा के विशेष उल्लेख करत छत्तीसगढ़ के सर्वांगीण विकास ल अनेकों बार सराहे हें।
बृजमोहन ह कहिन कि ये ओही नवगठित छत्तीसगढ़ राज्य हे जऊन ल सबले जादा धान अऊ दलहन उत्पादन बर अब तक चार पइत भारत सरकार कोति ले राष्ट्रीय कृषि कर्मण पुरस्कार ले सम्मानित करे गए हे। प्रधानमंत्री नरेंद्र मोदी जी के महत्वाकांक्षी स्वाइल हेल्थ कार्ड अभियान के तहत 38 लाख 90 हजार 709 किसान मन ल स्वाइल हेल्थ कार्ड देवाए के लक्ष्य के विरुद्ध 43लाख 34 हज़ार 595 किसान मन ल स्वाइल हेल्थ कार्ड देवाए गए हे जऊन लक्ष्य ले 111 परसेंट हे।

(adsbygoogle = window.adsbygoogle || []).push({});

लउछरहा..