धान उपार्जित करइया राज्य मन ल केन्द्र ले जल्दी मिलही परिवहन व्यय के राशि

मुख्यमंत्री डॉ. रमन सिह ह केन्द्रीय खाद्य अउ नागरिक आपूर्ति मंत्री श्री रामविलास पासवान ले करिन मुलाकात

रायपुर, 25 अप्रैल 2018। धान उपार्जन करइया अइसन राज्य जे मन ल केन्द्र ले मिलइया परिवहन व्यय के राशि प्राप्त नइ होवत हे, वो राशि अब जल्दी मिलही। छत्तीसगढ़ के मुख्यमंत्री डॉ. रमन सिह ह आज नई दिल्ली म केन्द्रीय खाद्य अउ नागरिक आपूर्ति मंत्री श्री रामविलास पासवान के ध्यान ए विसय म आकृष्ट कराए जाय। उमन पद्रा दिन के भीतर धान उपार्जित करइया राज्य मन के अधिकारी मन के बैठक बला के एकर निराकरण करे जाय के भरोसा दीन। मुख्यमंत्री ह केन्द्रीय मंत्री ल बताइन के पाछू 10 बछर म राज्य शासन ल परिवहन व्यय के करीबन 1292 करोड़ रूपिया के राशि प्राप्त होना हे अऊ निर्णय के अभाव म राज्य म अनावश्यक भार पड़त हे।
मुख्यमंत्री ह केन्द्रीय मंत्री के ध्यान धान परिवहन के व्यय राशि के भुगतान के संगे संग मंडी लेबर चार्ज के निर्धारण, मंडी अऊ निराश्रित शुल्क आदि विषय मन उपर देवाइन अऊ ऊंखर लउहे निराकरण के आग्रह करिन। मुख्यमंत्री ह धान उपार्जन के नीति म बदले के बाद जुन्ना बारदाना के उपयोग म परिवहन के राशि प्रदान नइ करे के नीति ल बदल के जुन्ना बारदाना के परिवहन व्यय घलोक प्रदान करे के आग्रह करिन। मुख्यमंत्री के आग्रह म खरीफ साल 2018-19 म भारतीय खाद्य निगम के संग अरवा अउ उसना दूनो किसिम के चावल मन के उपार्जन करे जाय के निर्देश जल्दी प्रसारित करे के बात केन्द्रीय मंत्री ह कहिन। बैठक के समय मुख्यमंत्री के सचिव श्री सुबोध सिह अऊ छत्तीसगढ़ के खाद्य सचिव रिचा शर्मा घलोक उपस्थित रहिन।

(adsbygoogle = window.adsbygoogle || []).push({});

लउछरहा..