नवा मंत्रि परिषद के सदस्य मन के परिचय

1. श्री रविन्द्र चौबे
श्री रविन्द्र चौबे के जनम 28 मई 1957 के दिन होए हे। ऊंखर पिता के नाम स्वर्गीय श्री देवी प्रसाद चौबे हे। श्री रविन्द्र चौबे बेमेतरा जिला के साजा तहसील के ग्राम मउहाभाठा निवासी हें। उमन पंडित रविशंकर विश्वविद्यालय रायपुर ले बी.एस.सी. अऊ एल.एल.बी. के डिग्री हासिल करे हें। ओ मन छात्र संघ के अध्यक्ष तको रहिन हें। ओ मन साजा निर्वाचन क्षेत्र ले निर्वाचित होए हें। एखर पहिली श्री चौबे साल 1985, 1990, 1993 अऊ 1998 म अविभाजित मध्यप्रदेश विधानसभा अऊ साल 2003 अउर 2008 म छत्तीसगढ़ विधानसभा के सदस्य के रूप म निर्वाचित होए रहिन। ओ मन अविभाजित मध्यप्रदेश अऊ छत्तीसगढ़ म मंत्री रहे हें। ओ मन छत्तीसगढ़ विधानसभा म साल 2009 ले 2013 तक नेता प्रतिपक्ष रहे हें।

2. डॉ. प्रेमसाय सिंह टेकाम
डॉ. प्रेमसाय सिंह टेकाम सूरजपुर जिला के तहसील प्रतापपुर के ग्राम अमनदोन के निवासी हें। ओ मन प्रतापपुर निर्वाचन क्षेत्र ले निर्वाचित होए हें। इंकर पिता के नाम स्वर्गीय श्री मंजन सिंह टेकाम हे। डॉ. प्रेमसाय सिंह ह रायपुर के शासकीय आयुर्वेदिक महाविद्यालय ले बी.ए.एम.एस के डिग्री प्राप्त करे हें। डॉ. प्रेमसाय सिंह मध्यप्रदेश अऊ छत्तीसगढ़ सरकार म मंत्री रहे हें।

3. श्री मोहम्मद अकबर
श्री मोहम्मद अकबर रायपुर निवासी हें। ऊंखर पिता के नाम मोहम्मद रसीद हे। अभी हाले म ओ मन कवर्धा निर्वाचन क्षेत्र ले निर्वाचित होए हें। उमन दुर्गा महाविद्यालय रायपुर ले बी.कॉम के डिग्री प्राप्त करे हें। श्री मोहम्मद अकबर छत्तीसगढ़ सरकार म मंत्री रहे हें।

4. श्री कवासी लखमा
श्री कवासी लखमा सुकमा जिला के ग्राम नागारास निवासी हें। ऊंखर पिता के नाम श्री कवासी हड़मा हे। ओ मन चौथइया पइत विधायक निर्वाचित होए हें। अभी हाले म श्री लखमा कोन्टा निर्वाचन क्षेत्र ले निर्वाचित होए हें।

5. डॉ. शिवकुमार डहरिया
डॉ.शिवकुमार डहरिया रायपुर निवासी हें। ऊंखर पिता के नाम श्री आशाराम डहरिया हे। ओ मन आरंग निर्वाचन क्षेत्र ले निर्वाचित होए हें। डॉ. डहरिया ह रायपुर के शासकीय आयुर्वेदिक महाविद्यालय ले बी.ए.एम.एस के डिग्री प्राप्त करे हें।

6. श्रीमती अनिला भेंड़िया
श्रीमती अनिला भेंड़िया डौडीलोहारा निर्वाचन क्षेत्र ले निर्वाचित होए हें। ऊंखर पति श्री रविन्द्र कुमार भेंड़िया हें। ओ मन बालोद जिला के विकासखंड मुख्यालय डौडीलोहारा के निवासी हें। श्रीमती भेंड़िया एखर पहिली साल 2013 म छत्तीसगढ़ विधानसभा के सदस्य निर्वाचित होए रहिन। उमन पंड़ित रविशंकर शुक्ल विश्वविद्यालय, रायपुर ले समाज शास्त्र म एम.ए. के डिग्री प्राप्त करे हें।

7. श्री जय सिंह अग्रवाल
श्री जय सिंह अग्रवाल कोरबा के निवासी हें। श्री अग्रवाल के जनम 01 मार्च 1963 के दिन होए हे। ऊंखर पिता के नाम स्वर्गीय श्री रामकुमार अग्रवाल हे। ओ मन छात्र संघ के अध्यक्ष रहे हें। ओ मन अविभाजित मध्यप्रदेश म साल 1996 ले 1998 तक साडा अध्यक्ष रहे हें। ओ मन कोरबा निर्वाचन क्षेत्र ले तीसर पइत विधायक निर्वाचित होए हें।

8. श्री गुरू रूद्रकुमार
श्री गुरू रूद्रकुमार रायपुर निवासी हें। ऊंखर पिता श्री विजय कुमार गुरू हे। उमन दुर्गा महाविद्यालय रायपुर ले बी.ए. के डिग्री लेहे हें। अभी हाले म ओ मन अहिवारा निर्वाचन क्षेत्र ले निर्वाचित होए हें। ओ मन छत्तीसगढ़ विधानसभा म दुसर पइत निर्वाचित होए हें।

9. श्री उमेश पटेल
श्री उमेश पटेल रायगढ़ जिला के ग्राम नंदेली निवासी हें। ओ मन स्वर्गीय श्री नंदकुमार पटेल के पुत्र हें। अभी हाले म ओ मन खरसिया निर्वाचन क्षेत्र ले निर्वाचित होए हें। उमन भिलाई इंस्टीट्यूट ऑफ टेक्नालॉजी दुर्ग ले इनफरमेशन टेक्नालॉजी म बैचलर ऑफ इंजीनियरिंग के डिग्री प्राप्त करे हें। ओ मन छत्तीसगढ़ विधानसभा म दुसर पइत निर्वाचित होए हें।

लउछरहा..