नियम मन के बाहिर जाके कोनो के मदद नइ करे जाय: श्री भूपेश बघेल

राज्य सरकार के हर विभाग जनता के मदद बर हे
छत्तीसगढ़ चेम्बर ऑफ कॉमर्स एण्ड इंडस्ट्रीज कोति ले मुख्यमंत्री के अभिनन्दन
छोटे वनोपज, कृषि अऊ उद्यानिकी फसल उपर आधारित उद्योग लगाय के आव्हान

रायपुर, मुख्यमंत्री श्री भूपेश बघेल ह कहिन के राज्य शासन के हर एक विभाग आम जनता के सहायता बर हे। जनता के काम अटकाए या पदोए बर नइ हे। विभाग मन ल अपन काम संस्कृति म पेशेवर रूख (प्रोफेशनल एप्रोच) अपनाके अऊ जनता के सुविधा ल ध्यान म रखके काम करना होही। मुख्यमंत्री आज इहां छत्तीसगढ़ चेम्बर ऑफ कॉमर्स एण्ड इंडस्ट्रीज कोति ले आयोजित अभिनन्दन समारोह ल सम्बोधित करत रहिन। मुख्यमंत्री ह व्यापारी संगठन मन ल भरोसा देवाइन के राज्य सरकार प्रदेश म उद्योग अऊ व्यापार बर अच्छा वातावरण अऊ सुरक्षा के व्‍यवस्‍था करही। उमन उद्योगपति मन अऊ व्यापारी मन ले छोटे वनोपज, उद्यानिकी फसल अऊ कृषि उत्पाद मन उपर आधारित छोटे-छोटे उद्योग के स्थापना के आव्हान करिन। श्री बघेल ह कहिन के उद्योग मन के स्थापना बर राज्य सरकार हरसंभव सहयोग प्रदान करही।
Chhattisgarhi : Website Localization & Translation Services. Digital Media and Entertainment Services.
वाणिज्य अउ उद्योग मंत्री श्री कवासी लखमा, स्कूल शिक्षा मंत्री डॉ. प्रेमसाय सिंह, विधायक सर्वश्री सत्यनारायण शर्मा, कुलदीप जुनेजा अऊ विकास उपाध्याय रायपुर नगर निगम के पहिली महापौर श्री किरणमयी नायक विशेष अतिथि के रूप म समारोह म उपस्थित रहिन। चेम्बर के पदाधिकारी मन शाल, श्रीफल अऊ स्मृति चिन्ह भेंटकरके मुख्यमंत्री के अभिनंदन करिन। प्रदेश के कई ठन व्यापारी संगठन, कई ठन जिला मन ले आए व्यापारी प्रतिनिधि मंडल, चेम्बर के महिला शाखा अऊ युवा शाखा कोति ले मुख्यमंत्री के अभिनन्दन करे गीस। ट्रांसपोर्ट एसोसिएशन कोति ले मुख्यमंत्री ल पगड़ी पहिनाके अऊ तलवार भेंट करके उंखर अभिनन्दन करे गीस। एसोसिएशन कोति ले मुख्यमंत्री सहायता कोष बर 51 हजार रूपिया के चेक घलोक मुख्यमंत्री ल भेंट करे गीस। रायपुर होलसेल फुटवेयर एसोसिएशन डुमरतराई रायपुर कोति ले स्‍वामी विवेकानंद के प्रतिमा भेंट करके मुख्यमंत्री के अभिनन्दन करे गीस।
Chhattisgarhi : Website Localization & Translation Services. Digital Media and Entertainment Services.
मुख्यमंत्री ह समारोह ल सम्बोधित करत कहिन के सिरिफ लोहा अऊ कोयला उपर आधारित उद्योग ही नइ लगाए जाए। रायपुर, दुर्ग म फल अऊ सब्जिी के बिक्‍कट उत्पादन होवत हे। हमार जंगल मन म छोटे वनोपज मन के अच्छा पैदावार होथे। वनोपज आधारित उद्योग मन के लगे ले वनवासी मन अऊ किसान मन ल अपन उपज के अच्छा मूल्य मिलही अऊ मनखे मन ल रोजगार के अवसर घलोक मिलही। उद्योग अऊ व्यापार बाढ़े ले राज्य सरकार ल टैक्स घलोक मिलही। मुख्यमंत्री ह ये घलोक स्पष्ट करिस के नियम मन के बाहिर जाके कोनो के मदद नइ करे जाय। उमन शासन के विभाग मन के कार्यप्रणाली म आवत बदलाव के बारे म बताइन के छोटे भूखण्ड मन के बिक्री के प्रक्रिया सरलीकृत करे के बाद अब तक करीबन 1250 भूखण्ड मन के रजिस्ट्री हो गे हे। छोटे भूखण्ड मन के बिक्री अड़बड़ बेरा ले रूके रहिस। डायवर्सन के प्रक्रिया के सरलीकरण के निर्देश अधिकारी मन ल देहे गे हे। मुख्यमंत्री ह कहिन के छत्तीसगढ़ के तासीर प्रेम, भाईचारा अऊ सबला संग लेके चले के हे। राज्य सरकार के ये मंशा हे के सबके रायशुमारी करके ही निर्णय लेना चाही।
Chhattisgarhi : Website Localization & Translation Services. Digital Media and Entertainment Services.
छत्तीसगढ़ चेम्बर ऑफ कॉमर्स एण्ड इंडस्ट्रीज के अध्यक्ष श्री जितेन्द्र बरलोटा ह स्वागत भाषण दीस। ए अवसर म चेम्बर के चेयरमेन श्री पूरनलाल अग्रवाल अऊ श्री अमर धावना संग सर्वश्री ललित जयसिंह अऊ राजेन्द्र जग्गी संग बहुत अकन पदाधिकारी अउ सदस्य बड़ संख्या म उपस्थित रहिन। कार्यक्रम के संचालन श्री योगेश अग्रवाल ह करिस।

लउछरहा..