निशानेबाज सौरभ चौधरी ह रचिस इतिहास

भारत के 16 वर्षीय निशानेबाज सौरभ चौधरी ह इतिहास रच दीस। सौरभ ह 10 मीटर एयर राइफल पिस्टल स्पर्धा म गोल्ड मेडल जीते हे। एही स्पर्धा म हरियाणा के 29 वर्षीय अभिषेक वर्मा ह ब्रॉन्ज मेडल जीते हे।
यूपी के सौरभ चौधरी ल मुख्यमंत्री योगी आदित्यनाथ ह बधाई देहे हें। प्रदेश अऊ देश के नाम रोशन करे म सीएम ह ओ मन ल 50 लाख रुपिया के पुरस्कार अऊ राजपत्रित नौकरी देहे के घोषणा करे हें। आप मन ल बता देवन के भारत ह अभी हाल के एसियाई खेल म शूटिंग स्पर्धा म पहली गोल्ड मेडल जीतिस। चौधरी के अंतिम-2 म मुकाबला जापान के मत्सुदा ले रहिस। जापानी निशानेबाज के दू म ले पहली शॉट 8.9 म जाके लगिस, जेखर से भारतीय निशानेबाज ल लाभ मिलीस।
16 वर्षीय चौधरी ह फाइनल म 240.7 के स्कोर करिस अऊ गोल्ड मेडल जीतिस। जापान के मत्सुदा टोमोयुकी ल सिल्वर मेडल मिलीस। मत्सुदा के फाइनल स्कोर 239.7 रहिस। भारत के अभिषेक वर्मा 219.3 के स्कोर के संग तीसर स्थान म रहिस अऊ उमन ब्रॉन्ज मेडल जीतिस। चीन के वु जियाउ चउथइया जबकि कोरिया ल ओलंपिक म कई पदक देवइया जऊन जोंगोह पांचवा स्थान म रहिस।


(adsbygoogle = window.adsbygoogle || []).push({});

लउछरहा..