पांच राज्य मन म मतदान के समाप्ति तक एक्जिट पोल उपर प्रतिबंध

आदर्श आचार संहिता के उल्लंघन म आबकारी विभाग करही कार्यवाही

छत्तीसगढ़ म विधानसभा निर्वाचन बर पहिली चरन के मतदान काल 12 नवम्बर ले होवइया हे। पहिली चरन म 18 विधानसभा क्षेत्र मन म मत डाले जाही। मुख्य निर्वाचन पदाधिकारी कार्यालय कोति ले एक्जिट पोल संबंधी आदर्श आचार संहिता के उल्लंघन म लोक प्रतिनिधित्व अधिनियम-1951 के प्रावधान के तहत कार्यवाही सुनिश्चित करे बर आबकारी विभाग ल परिपत्र जारी करे गए हे।
परिपत्र म कहे गए हे कि लोक प्रतिनिधित्व अधिनियम-1951 के प्रावधान के तहत पहिली चरन के मतदान शुरू होए के 48 घंटा पहिली ले लेके विधानसभा निर्वाचन वाले सबो राज्य मन म मतदान के समाप्ति के आधा घंटा बाद तक मीडिया कोति ले एक्जिट पोल अऊ एखर परिणाम के प्रकाशन-प्रसारण प्रतिबंधित रहिही। ए अवधि म कोनो मनखे कोनो निर्वाचन क्षेत्र म एक्जिट पोल सर्वेक्षण नइ कर सकही अऊ प्रिंट, इलेक्ट्रॉनिक मीडिया, चलचित्र, टेलीविजन या कोनो आन माध्यम म ए परिणाम के प्रकाशन-प्रसारण नइ कर सकही। लोक प्रतिनिधित्व अधिनियम-1951 के तहत ए अवधि के समय निर्वाचन संबंधी कोनो सामान के चलचित्र, टेलीविजन या अइसन आन माध्यमों म प्रदर्शन वर्जित रहिही।
मुख्य निर्वाचन पदाधिकारी कार्यालय ह आबकारी विभाग ल एक्जिट पोल म प्रतिबंध संबंधी अधिसूचना के जानकारी सबो समाचार ब्यूरो, मीडिया संस्थान अऊ टेलीविजन चैनल मन ल प्रेषित करे के निर्देश दीए हे। विभाग ल मीडिया संस्थान मन कोति ले एखर उल्लंघन म करे गए कार्यवाही के बारे म मुख्य निर्वाचन पदाधिकारी कार्यालय ल अवगत कराए ल घलोक कहे गए हे।

लउछरहा..