प्रदेश के आंगनबाड़ी केन्द्र मन ल जादा सुविधाजनक बनाए के उदीम

रायपुर, महिला अउ बाल विकास मंत्री श्रीमती अनिला भेंड़िया ह प्रदेश म संचालित आंगनबाड़ी केंद्र मन ल अऊ जादा सुविधाजनक बनाए के निर्देश दिये हें। उमन हाले म इहां मंत्रालय (महानदी भवन) म आयोजित विभागीय समीक्षा बैठक म अधिकारी मन ल ए संबंध म निर्देश दीन।
श्रीमती भेंड़िया ह आंगनबाड़ी भवन मन म शौचालय, बिजली अऊ पानी के व्यवस्था के संग पूरक पोषण आहार के संबंध म जानकारी लीन अऊ अधिकारी मन ल संचालित सबो आंगनबाड़ी भवन मन म शौचालय के व्यवस्था करे के निर्देश दीन। संगेच सबो आंगनबाड़ी भवन मन म बिजली अऊ पानी के समुचित प्रबंध करे बर कहिन। अधिकारी मन ह बैठक म बताइन के प्रदेश म 52 हजार 474 आंगनबाड़ी अऊ मिनी आंगनबाड़ी केंद्र संचालित हे। एमां 6 महिना ले 6 साल तक के करीबन 19 लाख 60 हजार लइका अऊ करीबन 4 लाख 51 हजार गर्भवती अऊ शिशुवती महिला मन कई ठन योजना मन के तहत लाभान्वित होवत हें। उमन बताइन के अभी हाल म करीबन 35 हजार 97 आंगनबाड़ी केन्द्र अपन भवन मन म संचालित होवत हे।
Chhattisgarhi : Website Localization, Translation & Transcription Services. Halbi, Gondi, Sargujiya & Chhattisgarhi.
श्रीमती भेंडिया ह अधिकारी मन ले कहिन कि आंगनबाड़ी भवन मन म छोटे लइका अऊ गर्भवती अऊ शिशुवती महिला मन आथें, इंकर पोषण, स्वास्थ्य अऊ सुरक्षा बर अकतहा सतर्कता बरते के जरूरत हे, काबर के ओ मन संक्रमण ले जल्दी प्रभावित होथें। व्यवस्था म सुधार लाय बर उमन अधिकारी मन ल आंगनबाड़ी केंद्र मन के नियमित मॉनिटरिंग करे के निर्देश दीन। उमन कहिन के पोषण आहार के गुणवत्ता म समझौता नइ करे जाए अउ रोज तात अऊ ताजा भोजन महिला अऊ लइका मन ल देहे जाय। उमन आंगनबाड़ी केंद्र मन म लइका मन ल दिये जाने वाला मीठ सुगंधित दूध ल संक्रमण ले बचाय बर परिवहन अऊ संग्रहण के उचित प्रबंध करे के निर्देश घलोक दीन।

लउछरहा..