प्रधानमंत्री फसल बीमा योजना के प्रचार-प्रसार होही रथ ले

  • श्री बृजमोहन अग्रवाल ह प्रचार रथ ल दिखाई हरी झंडी
  • लोक कलाकार बताहीं किसान मन ल बीमा के महत्व

रायपुर, 18 जुलाई 2018। छत्तीसगढ़ म किसान मन ल प्रधानमंत्री फसल बीमा योजना के महत्व समझाए अऊ खरीफ फसल मन के बीमा कराए बर प्रोत्साहित करे प्रचार रथ के सहारा लेहे जात हे। कृषि मंत्री श्री बृजमोहन अग्रवाल ह आज इहां अपन शंकर नगर स्थित शासकीय घर ले बजाज एलियांस जनरल एंश्योरेंस कम्पनी लिमिटेड के ’प्रधानमंत्री फसल बीमा योजना खरीफ 2018 रथ’ ल हरी झंडी देखाके रवाना करिन। ए कम्पनी ल प्रदेश के छै जिला कांकेर, गरियाबंद, सूरजपुर, रायगढ़, दंतेवाड़ा अऊ बिलासपुर म प्रधानमंत्री फसल बीमा योजना के क्रियान्वयन के जिम्मेदारी दे गए हे। ए रथ के माध्यम ले इही छै जिला मन म योजना के प्रचार-प्रसार करे जाही। रथ म सवार कलाकार किसान मन ल गीत, नृत्य अऊ नुक्कड़ नाटक के संग योजना के महत्व बताहीं। रथ के संग छोटे-छोटे वाहन मन ले प्रचार साहित्य के वितरण घलोक करे जाही। ए अवसर म संचालक कृषि श्री एम.एस.केरकेट्टा संग बजाज एलियांस जनरल एंश्योरेंस कम्पनी लिमिटेड के मार्केटिंग हेड सुश्री मोनिका मयूरी, जोनल मैनेजर श्री अनुपम श्रेय, स्टेट हेड श्री संदीप डे, लोकल मार्केटिंग स्टेट हेड श्री साई बाबा उपस्थित रहिन।

लउछरहा..