प्रभारी सचिव श्री बोरा ह करिस आदिवासी कन्या आश्रम खाडा के आकस्मिक निरिक्षण


(adsbygoogle = window.adsbygoogle || []).push({});

रायपुर 28 अप्रैल 2017। खेल अऊ युवा कल्याण विभाग के सचिव अउ कोरिया जिला के प्रभारी सचिव श्री सोनमणि बोरा अपन प्रवास के बेरा विकासखण्ड बैकुण्ठपुर के ग्राम खाडा मं संचालित आदिवासी कन्या आश्रम के औचक निरीक्षण करिस। श्री बोरा हर निरीक्षण के बेरा कन्या आश्रम के बालिका मन ले ऊंखर शिक्षा-दीक्षा आदि के संबंध मं विस्तारपूर्वक जानकारी प्राप्त करिन। श्री बोरा हर योग ल स्वास्थ्यवर्धक बतात बालिका मन ल झुलझुलहे अऊ पहट के बेरा म सरलग प्रार्थना अउ ध्यान योग कराए बर छात्रावास के अधीक्षक ल निर्देश दीन। अइसनहे उमन बालिका मन के लुकाए प्रतिभा ल आगू लाय बर उखंर मन के भरम ल दूर करके ओमां आत्मविश्‍वासस पैदा करे अऊ बालिका मन के बीच क्विज प्रतियोगिता, कराए के घलोक बात कहिन। श्री बोरा हर बालिका मन ले सामान्य ज्ञान, खेती किसानी, माता-पिता के काम आदि के संबंध मं घलोक प्रश्‍न पूछिन। श्री बोरा हर कन्या आश्रम म घूम के साफ-सफाई, पेयजल आदि के घलोक जानकारी लीन। उमन कन्या आश्रम के दरवाजा अऊ खिडकी मन मं मच्छर जाली लगाए ल आदिवासी विकास विभाग के सहायक आयुक्त ल निर्देश दीन।


(adsbygoogle = window.adsbygoogle || []).push({});

(adsbygoogle = window.adsbygoogle || []).push({});

लउछरहा..