बांस के खेती ले घलोक किसान मन के आमदनी हो सकत हे दुगुना : श्री महेश गागड़ा

रायपुर, 08 मई 2018। छत्तीसगढ़ के वन मंत्री श्री महेश गागड़ा ह कहिन कि बांस के खेती ले घलोक किसान मन के आमदनी दुगुना हो सकत हे। मनखे मन के जीवन म बांस के कई ठन उपयोग अऊ एखर आर्थिक पहलु मन ल ध्यान म रखके केन्द्र सरकार ह ए परिवहन ल ट्रांजिट पास (टीपी) के अनिवार्यता ले मुक्‍त कर देहे हे। किसान अब अपन मन के बिना कोनो रोक-टोक के कहूं भी एला ले जाके बेंच सकत हें। श्री गागड़ा आज इहां नवा रायपुर स्थित अरण्य भवन म बांस आधारित उद्योग मन के संभावना विसय म आयोजत दू दिवसीय राष्ट्रीय संगोष्ठी के समापन सत्र ल मुख्य अतिथि के आसंदी ले सम्बोधित करत रहिन। कार्यक्रम के अध्यक्षता सीएसआईडीसी के अध्यक्ष श्री छगनलाल मुंदड़ा ह करिन।

(adsbygoogle = window.adsbygoogle || []).push({});