बृजमोहन ह कहिन के कांग्रेसी नवाब मन के दिन लद गे, भाजपा करत हे राम राज के संकल्पना साकार

बृजमोहन ह कहिन के आज देश म भाजपा ही सुशासन विकास अऊ सुरक्षा के पर्याय हे
बालाघाट म बृजमोहन के रोड शो उमडि़स हजारों के भीड़

रायपुर/ बालाघाट/ मध्य प्रदेश के चुनाव प्रचार म डटे छत्तीसगढ़ के कृषि मंत्री बृजमोहन अग्रवाल ह मध्य प्रदेश के कृषि मंत्री गौरीशंकर बिसेन के विधानसभा क्षेत्र बालाघाट म रोड शो करिस। लालबर्रा म होए ए रोड शो म हजारों के भीड़ जुटिस। ए दौरान जनसमूह ल संबोधित करत बृजमोहन अग्रवाल ह कहिन कि भाजपा के राज म मध्य प्रदेश अऊ छत्तीसगढ़ म अभूतपूर्व विकास के काम होए हे। 15 साल पहिली पलट के देखव अपन शहर अपन प्रदेश के हालत के अंदाजा आप मन ल लग जाही। कइसन दुर्दशा कांग्रेस के सरकार ह बना रखे रहिस। सड़क कम गड्ढा जादा रहिस, बिजली आत कम जात जादा रहिस। अउ आज अच्छा सड़क, 24 घंटे बिजली, स्वच्छ पेयजल मध्यप्रदेश के जनता ल मिलत हे। गाँव-गरीब अऊ किसान मन के जीवन म खुशहाली लाय बर अच्छा काम होवत हे। राम राज के संकल्पना ल साकार करे बर, सबो के जीवन ल सुखमय बनाए बर भाजपा प्रयत्नशील हे। अब हम कहि सकत हन के कांग्रेस के नवाब मन के दिन लद गे।
बृजमोहन ह कहिन कि बालाघाट वासी मन बर ये गर्व के बात हे कि गौरीशंकर बिसेन जइसे नेतृत्व ओ मन ल मिले हे। इंखर नेतृत्व ह मुख्यमंत्री शिवराज सिंह चौहान के संग खांध ले खांध मिलाके मध्य प्रदेश के किसान मन के दशा अऊ दिशा बदले म महत्वपूर्ण योगदान देहे हे। आज कृषि क्षेत्र म मध्य प्रदेश कीर्तिमान रचत हे।
बृजमोहन ह कहिन के देश के प्रधानमंत्री नरेंद्र मोदी ह जन जन के सर्वांगीण विकास बर कार्य योजना बनाये हे। उंखर योजना मन के लाभ जनता ल मिलत हे। केंद्र के उज्ज्वला योजना, प्रदेश के लाडली लक्ष्मी योजना, 1-2 रुपये किलों म चावल-गेंहू प्रदाय योजना, गृह योजना, संबल कार्ड योजना आदि के लाभ देके मनखे मन के जीवन ल समृद्ध बनाए के सार्थक प्रयास होवत हे। बृजमोहन ह कहिन के आज देश म भाजपा ही सुशासन विकास अऊ सुरक्षा के पर्याय हे।

लउछरहा..