भारतीय अंतरराष्ट्रीय फिल्म महोत्सव 2018, फिल्म ‘एक थी रानी ऐसी भी’ के होइस प्रदर्शन

गोवा म चलत भारतीय अंतरराष्ट्रीय फिल्म महोत्सव म सरलग बढि़या फिल्म पेश करे जात हे। इही कड़ी म गोवा के राज्यपाल मृदुला सिन्हा के लिखे पुस्तक उपर बने फिल्म ‘एक थी रानी ऐसी भी’ ल प्रदर्शित करे गीस। ए फिल्म के कहानी ग्वालियर के राजमाता विजयाराजे सिंधिया के आत्मकथा उपर आधारित हे।
येकर डारेक्टर गुल बहार सिंह हे फिल्म म विजयाराजे सिंधिया के भूमिका प्रख्यात अभिनेत्री अउ सांसद हेमा मालिनी ह निभाए हे। फिल्म म ऊंखर संग विनोद खन्ना घलोक हे। ए मौका म दिवगंत फिल्मी कलाकार के पत्नी कविता खन्ना घलोक मौजूद रहिस। विजयाराजे सिंधिया ग्वालियर के राजघराना ले रहिस। भारतीय राजनीति म घलोक उंखर महत्वपूर्ण योगदान रहे हे अऊ उंखर कहानी ल बड़े परदा म देखना एक अलग अनुभव होही।

लउछरहा..