मंत्रिपरिषद के बैठक के महत्वपूर्ण निर्णय : नवा रायपुर के नामकरण अटल नगर

मुख्यमंत्री डॉ. रमन सिंह के अध्यक्षता म आज इहां मंत्रालय (महानदी भवन) म आयोजित मंत्रिपरिषद के बैठक म छत्तीसगढ़ राज्य के बनवया अऊ देश के पहिली प्रधानमंत्री श्री अटल बिहारी बाजपेयी के निधन म दुख व्यक्त करत शोक प्रस्ताव पारित करे गीस। बैठक म त्रिस्तरीय पंचायत मन, नगरीय निकाय मन अऊ निगम मन अउ मंडल मन ल घलोक ये शोक प्रस्ताव पारित करे बर भेजे जाय के प्रस्ताव के अनुमोदन करे गीस।
बैठक के बाद मुख्यमंत्री डॉ. रमन सिंह ह केबिनेट के फैसला मन के जानकारी दीन। उमन बताइन कि छत्तीसगढ़ राज्य निर्माण म स्वर्गीय श्री अटल बिहारी वाजपेयी के ऐतिहासिक योगदान ल देखत नया रायपुर के नामकरण अटल नगर करे अऊ उहां अटल जी के मूर्ति स्थापित करे अऊ उहां सेंट्रल पार्क के नामकरण घलोक ऊंखर नाम म करे अऊ नया रायपुर म ही अटल स्मारक बनाए के संग राज्य म उंखर स्मृति ल चिरस्थायी बनाये रखे बर अऊ कई महत्वपूर्ण निर्णय लेहे गए हे। उमन बताइन कि नवा रायपुर म अटल जी के प्रतिमा घलोक स्थापित करे जाही। प्रदेश के सबो 27 जिला मुख्यालय मन म अटल जी के प्रतिमा लगाए जाही। मुख्यमंत्री ह ये घलोक बताइन कि बैठक म बिलासपुर विश्वविद्यालय अऊ राजनांदगांव मेडिकल कॉलेज के नामकरण अटल जी के नाम म करे, राष्ट्रीय स्तर के कवि मन बर अटल जी के नाम म राष्ट्रीय पुरस्कार के स्थापना अऊ प्रदेश सरकार के दूसर चरण के विकास यात्रा ल अटल विकास यात्रा के नाम ले आयोजित करे के घलोक निर्णय होए हे। डॉ. सिंह ह बताइस कि केबिनेट के निर्णय के अनुसार मड़वा ताप बिजली संयंत्र अऊ राजधानी रायपुर म पूर्ववर्ती नेरोगेज म बनत एक्सप्रेस अउ कलेक्टोरेट के बगीचा के नामकरण घलोक स्वर्गीय श्री अटल बिहारी वाजपेयी के नाम म करे जाही।


(adsbygoogle = window.adsbygoogle || []).push({});

डॉ. रमन सिंह ह बताइन – छत्तीसगढ़ राज्य स्थापना दिवस (राज्योत्सव) के अवसर म एक नवम्बर के दिन त्रिस्तरीय पंचायत मन अऊ नगरीय निकाय मन बर अटल बिहारी वाजपेयी सुशासन पुरस्कार के शुरूआत करे जाही। एखर अंतर्गत हरेक जनपद पंचायत ले एक ग्राम पंचायत ल अऊ हर एक राजस्व संभाग ले एक जनपद पंचायत, एक नगर पंचायत अऊ एक नगर पालिका अउर प्रदेश स्तर म एक जिला पंचायत अऊ एक नगर निगम ल ये वाले पुरस्कार दे जाही। छत्तीसगढ़ बोर्ड के पाठ्य पुस्तक मन म अटल जी के जीवनी सामिल करे जाही, ताकि नवा पीढ़ी ल प्रेरणा मिल सकय। अटल जी ह पोखरण म ऐतिहासिक परमाणु परीक्षण करवाए रहिन। ऊंखर ए योगदान ल यादगार बनाए बर छत्तीसगढ़ सशस्त्र बल के एक बटालियन के नामकरण पोखरण बटालियन करे जाही।

प्रदेश के 17 सड़क सिटी बस सेवा बर शहरी मार्ग घोषित
मुख्यमंत्री ह बताइस कि मंत्रिपरिषद के आज के बैठक म राज्य के बेमेतरा, दुर्ग, जांजगीर-चांपा, रायगढ़ अऊ कोण्डागांव के 17 मार्ग मन म सिटी बस सेवा के परिचालन बर ए मार्ग मन ल पार्श्वस्थ क्षेत्र/ शहरी मार्ग घोषित करे गीस।

सहज बिजली बिल योजना म 12 लाख ले जादा उपभोक्ता मन ल मिलही फ्लैट रेट म भुगतान सुविधा
डॉ. सिंह ह बताइस कि मंत्रिपरिषद के बैठक म सहज बिजली बिल योजना के अनुमोदन करे गीस। एखर अन्तर्गत साल 2002 के बीपीएल सूची अऊ साल 2011 के सामाजिक-आर्थिक जनगणना के आधार म पात्रता धारक निःशुल्क विद्युत कनेक्शन वाले उपभोक्ता मन ल 40 यूनिट प्रतिमाह निःशुल्क बिजली के सीमा ले जादा के खपत म प्रचलित टैरिफ के स्थान म 100 रूपिया महिना के मान ले फ्लैट रेट म बिल भुगतान के सुविधा के विकल्प दे जाही। ए योजना के लागू होए म राज्य के 12 लाख ले जादा घरेलू कनेक्शन वाले उपभोक्ता मन ल फायदा होही अऊ ओ मन ल लगभग 500 करोड़ रूपिया के राहत मिलही। एखरे संग बिजली बिलिंग के व्यवस्था म एकरूपता अऊ पारदर्शिता के साथ-साथ बिल मन के भुगतान के प्रक्रिया के घलोक सरलीकरण होही।

तेन्दूपत्ता संग्राहक मन ल मिलही 745 करोड़ के बोनस
डॉ. रमन सिंह ह ये घलोक बताइन कि केबिनेट के बैठक म तेन्दूपत्ता संगा्रहक मन ल साल 2017 के संग्रहण काम म 744 करोड़ 93 लाख रूपिया के बोनस (प्रोत्साहन पारिश्रमिक) देहे के घलोक निर्णय ले गीस।


(adsbygoogle = window.adsbygoogle || []).push({});

लउछरहा..