मतगणना बर अधिकारी मन के एक दिवसीय प्रशिक्षण शुरू

मतगणना के बारीकी मन ले रूबरू कराए दुर्ग म प्रशिक्षण पूरा

दुर्ग, विधानसभा निर्वाचन-2018 के अन्तर्गत मतगणना के तैयारी शुरू हो गए हे। हर एक जिला मुख्यालय म 11 दिसंबर ले होवइया मतगणना बर रिटर्निंग आफिसर, सहायक रिटर्निंग आफिसर, मतगणना सहायक रिटर्निंग आफिसर, हर एक विधानसभा क्षेत्र के मास्टर ट्रेनर अउ उप जिला निर्वाचन पदाधिकारी मन ल प्रशिक्षण देहे जात हे।
मुख्य निर्वाचन पदाधिकारी श्री सुब्रत साहू ह बताइस कि एक दिवसीय प्रशिक्षण के शुरूआत 24 नवंबर के दिन राजनांदगाँव ले होइस जेमां राजनांदगाँव अउ बालोद जिला के अधिकारी सामिल होइन। उमन बताइन के प्रशिक्षण बर मुख्य निर्वाचन पदाधिकारी कार्यालय के वरिष्ठ अधिकारी मन अउ मास्टर ट्रेनर मन के दल अलग-अलग जिला मुख्यालय मन म जाके अधिकारी मन ल प्रशिक्षित करत हे।
प्रशिक्षण कार्यक्रम के अंतर्गत आज दुर्ग जिला मुख्यालय म प्रशिक्षण कार्यक्रम रखे गीस। ये मा दुर्ग, बेमेतरा अउ कबीरधाम के अधिकारी सामिल होइन। उप मुख्य निर्वाचन पदाधिकारी श्री यू. एस. अग्रवाल अउ मास्टर ट्रेनर श्री पुलक भट्टाचार्य ह अधिकारी मन ल प्रशिक्षण दीन। मास्टर ट्रेनर श्री पुलक भट्टाचार्य ह बताइन के प्रशिक्षण के बेरा ईव्हीएम अऊ वीवीपैट खोले जाय, गणना अभिकर्ता के नियुक्ति, आखरी परिणाम पत्र, निर्वाचन के प्रमाण पत्र जारी करे जइसे महत्वपूर्ण बिन्दु के जानकारी के संगेच मतगणना के बेरा के छोट-छोट सावधानी मन के बारे म घलोक विषयवार जानकारी देहे जात हे। नौ दिन तक चलइया प्रशिक्षण के तहत 29 नवंबर के दिन रायपुर म प्रशिक्षण आयोजित हे जेमां रायपुर, गरियाबंद अऊ बलौदाबाजार के अधिकारी सामिल होहीं।

लउछरहा..