मतदाता जागरूकता बर मीडिया समूह होही ‘राष्ट्रीय मीडिया सम्मान-2018‘ ले सम्मानित

भारत निर्वाचन आयोग ह कई ठन वर्ग मन म मीडिया संस्थान मन ले 30 नवंबर तक मंगाईस प्रविष्टि

रायपुर, भारत निर्वाचन आयोग मतदाता शिक्षा अउ जागरूकता के क्षेत्र म मीडिया संस्थान मन ल राष्ट्रीय मीडिया सम्मान-2018 ले सम्मानित करही। साल 2018 बर आयोग ह मीडिया संस्थान मन ले 30 नवंबर तक आवेदन आमंत्रित करे हे। आयोग कोति ले ए संबंध म जारी पत्र म बताइस गए हे के मीडिया संस्थान चार अलग-अलग वर्ग मन म आवेदन कर सकत हें। एखर तहत आम मनखे मन म मतदाता शिक्षा अऊ जागरूकता अउ मतदान के महत्व अऊ प्रासंगिकता ल समझाए बर ऊंखर संस्थान कोति ले करे उदीम अउ अभियान मन के स्पष्ट तौर म उल्लेख करत निर्धारित प्रारूप म आवेदन भेजे जा सकत हे। आखरी तारीक तक आए आवेदन अउ अनुशंसा मन ल आयोग कोति ले गठित निर्णायक मण्डल के आघू प्रस्तुत करे जाही। निर्णायक मंडल कोति ले चुने गे संस्थान मन ल अगले साल 2019 म राष्ट्रीय मतदाता दिवस (25 जनवरी) के दिन सम्मानित करे जाही।
पत्र म बताइए गए हे कि सम्मान 4 वर्ग मन म दिए जाही। ये मां प्रिंट मीडिया, टेलीविजन (इलेक्ट्रानिक), रेडियो (इलेक्ट्रानिक) अउ ऑनलाइन इंटरनेट/सोशल मीडिया समूह सामिल हे। हर एक वर्ग म एक पुरस्कार दिए जाही। जूरी कोति ले विजेता मन के चयन बर मापदण्ड घलोक निरधारित करे गए हे। एखर तहत मतदाता जागरूकता अभियान के गुणवत्ता, कव्हरेज के व्यापकता अउ विस्तार, आम मनखे मन म अभियान के प्रभाव अउ आन प्रासंगिक कारक सामिल होही।
आवेदन अउ अनुशंसा बर निरधारित मापदण्ड के विस्तृत जानकारी निर्वाचन आयोग के वेबसाइट म घलोक देखे जा सकत हे। ये मां हिन्दी या अंगरेजी के अलावा आन भारतीय भाखा म घलोक आवेदन करे जा सकत हे। आन भाखा के प्रविष्टी बर संबंधित जानकारी के अंगरेजी रूपांतरण घलोक संलग्न करना होही। प्रविष्टी म ये जरूरी हे कि प्रकाशन अउ प्रसारण निरधारित समय म करे गए होवय। एखर अलावा ये घलोक उल्लेख करे जाए कि ए दौरान कतका समाचार या लेख प्रकाशित करे गीस। सबो के पीडीएफ फाइल या कड़ी या संबंधित लेख या समाचार के वेब कड़ी घलोक संलग्न करे जाय। अइसनहे इलेक्ट्रानिक मीडिया म चलाए गे अभियान के साफ्ट कॉपी, प्रसारण, स्पॉट या समाचार प्रसारण मन के विस्तृत जानकारी समेत आन कोनो विशेष जानकारी होही त ओखर घलोक उल्लेख करे जा सकत हे। अइसनहे ऑनलाइन अउ सोशल मीडिया म चलाए गए अभियान मन के प्रभाव अउ ओखर विस्तार संबंधी जानकारी तैयार करके निरधारित समय तक निर्वाचन आयोग ल भेजना होही।
आवेदक अपन आवेदन 30 नवंबर तक श्री पवन दीवान, अवर सचिव (संचार), भारत निर्वाचन आयोग, निर्वाचन सदन, अशोका रोड, नई दिल्ली 110001 के पता म भेजे जा सकत हे। जादा जानकारी बर ऊंखर कार्यालय ले मेल एड्रेस media.election.eci@gmail.com या diwaneci@yahoo.co.in के माध्यम ले घलोक संपर्क करे जा सकत हे।

लउछरहा..