मतदान के महापर्व म मतदाता मन के उमडि़स सैलाब

रायपुर, राज्य विधानसभा के आम चुनाव 2018 के तहत काल दूसर चरण म 72 सीट मन बर प्रदेश के 19 जिला मन म होए मतदान के महापर्व म मतदान केन्द्र मन म मतदाता मन के सैलाब उमड़त रहिस। मनखे मन म अपन मताधिकार के परयोग बर भारी उत्साह देखे गीस। महिला मन ले लेके युवा मन अऊ वयोवृद्ध नागरिक मन ह मतदान म बढ़-चढ़कर हिस्सा लीन। भारत निर्वाचन आयोग के निर्देश म मतदान केन्द्र मन मे दिव्यांगजन मन बर व्हीलचेयर के घलोक व्यवस्था करे गए रहिस।
इही कड़ी म गरियाबंद जिला के विधानसभा बिन्द्रानवागढ़ के अंतर्गत संवेदनशील मतदान केन्द्र आमामोरा अऊ ओढ़ म घलोक शांतिपूर्ण ढंग ले आमजन मतदान करे पहुंचिन। जिला के मैनपुर खुर्द के रहइया 80 वर्षीय पाचों बाई पटेल चले म तकलीफ होए के बाद मतदान बर जागरूकता दिखात व्हील चेयर म बइठ के बड़ उत्साह के संग शासकीय प्राथमिक शाला के मतदान केन्द्र नंबर 95 म अपन मताधिकार के परयोग करिस। शासकीय बालक प्राथमिक शाला गरियाबंद (विधानसभा राजिम 55) के मतदान केन्द्र नंबर 263 (ब) म सवेरे 7.30 बजे वोट डारे पहुंचे श्रीमती ललिता सिन्हा ह कहिन कि ओ सब काम छोड़के मतदान करे आये हे। पहिली मतदान करे जाना हे सोच के उमन काल बिहनिया के चाय घलोक नइ पीन, जबकि श्रीमती दीपा शाहनी अपन नान्हें लइका ल घर म छोड़के बिहनिया-बिहनिया मतदान करे के जिम्मेदारी निभाए मतदान केन्द्र पहुंके रहिस, ताकि जल्दी मतदान करके ओ अपन घर के काम-काज घलोक कर सकय।
इही प्रकार मोखागुड़ा (देवभोग) के दृष्टिबाधित 18 वर्षीय युवक श्री हेमचंद कश्यप ह मतदान के प्रति अपन जिम्मेदारी ल समझत मतदान केन्द्र नंबर 232 म पहुंचके मतदान करिस। शारीरिक रूप ले अशक्त होए के बावजूद बिन्द्रानवागढ़ विधानसभा के अंतर्गत कुड़ेरादादर मतदान केन्द्र 51 म महिलाच महिला दिखत रहिन। उहां महिला मन के लम्बा लाईन लगे रहिस। एन.सी.सी. अऊ स्काउड गाईड के पढ़ईया लईका मन ह सियान मन अऊ दिव्यांग मन ल मतदान केन्द्र तक लाये-ले जाय म अपन भरपूर सहयोग दीन।
छत्तीसगढ़ विधानसभा के आम चुनाव के तहत दूसर चरण म 72 सीट मन बर होए मतदान के समय राजधानी रायपुर के देवेन्द्रनगर आफिसर्स कॉलोनी स्थित मतदान केन्द्र म भारतीय प्रशासनिक सेवा के वरिष्ठ अधिकारी मन ह घलोक अपन कुटुंब के संग आके मताधिकार के परयोग करिन। एमां राजस्व सचिव श्री एन.के. खाखा, जनसम्पर्क विभाग के विशेष सचिव श्री अन्बलगन पी., स्वास्थ्य विभाग के आयुक्त श्री आर. प्रसन्ना संग आन वरिष्ठ अधिकारी घलोक सामिल रहिन।
छत्तीसगढ़ विधानसभा के आम चुनाव 2018 के तहत काल प्रदेश के 72 निर्वाचन क्षेत्र मन बर होये मतदान म शहर अऊ गांव मन के मतदाता मन ह भारी उत्साह के संग अपन मताधिकार के परयोग करिन। सरगुजा जिला के मुख्यालय अम्बिकापुर तीर भगवानपुर स्थित मतदान केन्द्र म वोट डारे बर महिला मन म घलोक अभूतपूर्व उत्साह देखे गीस।
मुख्य सचिव श्री अजय सिंह ह घलोक काल बिहनिया छत्तीसगढ़ विधानसभा के आम चुनाव बर राजधानी रायपुर के शंकरनगर स्थित मतदान केन्द्र म आम नागरिक मन के संग लाइन म खड़े रहि के अपन पारी के आगोरा कर के अपन नंबर आये म मतदान करिन।
छत्तीसगढ़ विधानसभा के आम चुनाव के तहत दूसर चरण म 72 सीट बर होए मतदान के समय राजधानी रायपुर के देवेन्द्रनगर आफिसर्स कालोनी स्थित मतदान केन्द्र म भारतीय प्रशासनिक सेवा के वरिष्ठ अधिकारी मन ह घलोक अपन कुटुंब के संग आके मताधिकार के परयोग करिन। एमां राजस्व सचिव श्री एन.के. खाखा, जनसम्पर्क विभाग के विशेष सचिव श्री अन्बलगन पी., स्वास्थ्य विभाग के आयुक्त अन्बलगन पी., स्वास्थ्य विभाग के आयुक्त श्री आर. प्रसन्ना संग आन वरिष्ठ अधिकारी घलोक सामिल रहिन।
प्रदेश के पुलिस महानिदेशक श्री ए.एन. उपाध्याय ह काल बिहनिया इहां अपन धर्मपत्नी श्रीमती स्नेहलता उपाध्याय के संग शांतिनगर स्थित शासकीय कन्या हायर सेकेण्डरी स्कूल के मतदान केन्द्र म आके विधानसभा चुनाव बर मतदान करिस।
मुख्य निर्वाचन पदाधिकारी श्री सुब्रत साहू अऊ अकतहा मुख्य निर्वाचन पदाधिकारी श्री एस. भारतीदासन ह काल बिहनिया राजधानी रायपुर के देवेन्द्रनगर स्थित मतदान केन्द्र म विधानसभा चुनाव बर मतदान करिस।
वन विभाग के अपर मुख्य सचिव श्री सी.के. खेतान अऊ गृह अउ वित्त विभाग के अपर मुख्य सचिव श्री अमिताभ जैन ह काल बिहनिया इहां देवेन्द्रनगर आफिसर्स कॉलोनी स्थित सामुदायिक भवन के मतदान केन्द्र म विधानसभा चुनाव 2018 बर मतदान करिस। अधिकारी मन ह मतदान के बाद मतदान केन्द्र के सेल्फी जोन म आके सेल्फी घलोक लीन।
मुख्य निर्वाचन पदाधिकारी श्री सुब्रत साहू ह काल संझा इहां अपन कार्यालय म आयोजित प्रेस वार्ता म विधानसभा चुनाव 2018 बर काल दूसर चरण म 72 सीट मन म पूरा होए मतदान के जानकारी दीन। उमन बताइन के सबो संबंधित 72 विधानसभा क्षेत्र मन ले संझा तक संकलित तदर्थ आंकड़ा के मुताबिक 71.93 प्रतिशत मतदान होय हे। मतदान प्रतिशत म अऊ वृद्धि हो सकत हे काबर के कुछ मतदान केन्द्र मन म संझा पांच बजे तक टोकन प्राप्त करके मतदाता कतार म लगे रहिन अऊ मतदान शांतिपूर्ण ढंग ले चलत रहिस।

लउछरहा..