मुख्यमंत्री के छत्तीसगढ़ यादव समाज ह करिस अभिनन्दन

रायपुर, मुख्यमंत्री श्री भूपेश बघेल के आज संझा इहां राज्य अतिथि गृह पहुना म छत्तीसगढ़ यादव समाज कोति ले अभिनंदन करे गीस। छत्तीसगढ़ यादव समाज के अध्यक्ष श्री रमेश यदु ह मुख्यमंत्री कोति ले चरवाहा मन बर मानदेय देहे के घोषणा म यादव समाज के तरफ ले आभार प्रकट करे गीस। कार्यक्रम म यादव समाज के विधायक सर्व श्री रामकुमार यादव, द्वारकाधीश यादव अऊ देवेन्द्र यादव संग समाज के बहुत अकन पदाधिकारी अऊ कई ठन जिला मन ले आए यादव समाज के मनखे उपस्थित रहिन।
Chhattisgarhi : Website Localization & Translation Services. Digital Media and Entertainment Services.
समारोह ल सम्बोधित करत मुख्यमंत्री श्री बघेल ह कहिन कि यादव समाज के वनांचल म रहइया मन ल जिंकर 13 दिसम्बर 2005 ले पहिली कब्जा रहिस, ओ मन ल वनाधिकार मान्यता पत्र दे जाही। एखर बर ओ मन ल ग्राम सभा ले प्रस्ताव पारित करा के अनुविभागीय दंडाधिकारी कार्यालय म जमा करना होही। उमन कहिन कि यादव समाज मेहनतकश अऊ प्रगतिशील समाज हे। गौ माता के सेवा अऊ जतन ले समाज तरक्की के रद्दा म आगू बढ़ सकत हे। हमला समाज ल आगू बढ़ाए बर पशुपालन के परम्परागत तरीका मन के संगेच आधुनिक तरीका मन ल अपनाना होही, जेकर से आमदनी बाढ़ सकय। हमार पूर्वज मन कोति ले शुरू करे गोठान के परम्परा ल मजबूत बनाना होही। उहां कांक्रीटीकरण, पानी के व्यवस्था आहता के व्यवस्था करना होही। एखरे संग चारागाह के विकास, गोबर गैस, जैविक खाद के उत्पादन म ध्यान देना होही। छत्तीसगढ़ यादव समाज के अध्यक्ष श्री रमेश यदु ह समाज के कई ठन मांग के बारे म जानकारी दीन।

लउछरहा..