मुख्यमंत्री के 45 किलोमीटर लम्बा रोड शो : विकास रथ के स्वागत म उमडि़स जनसैलाब

मुख्यमंत्री डॉ. रमन सिंह ह काली संझा अटल विकास यात्रा के दूसर दिन रायपुर जिला के खरोरा ले जिला मुख्यालय बलौदाबाजार तक करीबन 45 किलो मीटर लंबा रोड शो करिन। विकास रथ म मुख्यमंत्री के स्वागत बर जगा-जगा जनसैलाब उमडि़स। विधानसभा अध्यक्ष श्री गौरीशंकर अग्रवाल, लोकसभा सांसदद्वय श्री रमेश बैस अऊ श्रीमती कमला देवी पाटले, लोक निर्माण मंत्री श्री राजेश मूणत घलोक ऊंखर संग रहिन। मुख्यमंत्री ए लंबा रोड शो म खरोरा अऊ पलारी म स्वागत सभा अउ भैंसा, संडी अऊ सकरी म आयोजित स्वागत कार्यक्रम म सामिल होइन। डॉ सिंह निरधारित कार्यक्रम के अनुसार मंझनिया 3 बजे हेलीकाप्टर ले बगीचा जशपुर ले खरोरा पहुंचिन। खरोरा म स्वागत सभा के बाद ओ मन विकास रथ ले बलौदाबाजार बर निकलिन। खरोरा ले बलौदाबाजार तक भैंसा, संडी, बंगला, कोदवा, खोरसी, घोटिया, भाटिया, पलारी, बिनोरी, अमेरा, सकरी म बड़ संख्या म मनखे मन ह उत्साह पूर्वक मुख्यमंत्री के स्वागत करिन। सबो जगा मन म महिला मन ह पुष्प वर्षा अउ आरती करके मुख्यमंत्री संग सबो अतिथि मन के अभिनंदन करिन।

लउछरहा..