मुख्यमंत्री पहुँचिन ग्राम दुगली के लघु वनोपज प्रसंस्करण केंद्र

  • त्रिफला प्रसंस्करण केंद्र के शुभारंभ
  • समूह के महिला मन ले मुख्यमंत्री ह करिन मुलाकात

रायपुर, मुख्यमंत्री श्री भूपेश बघेल ह आज धमतरी जिला के ग्राम दुगली म लघु वनोपज प्रसंस्कण अऊ प्रशिक्षण केंद्र के अवलोकन करके इहां प्रसंस्करण काम करत स्व सहायता समूह के महिला मन ले रूबरू होके चर्चा करिन। मुख्यमंत्री ह इहां त्रिफला प्रसंस्करण केंद्र के शुभारम्भ घलोक करिन।
ये बेरा म राज्यसभा सांसद श्री पी.एल.पुनिया, पंचायत विभाग के मंत्री श्री टी.एस. सिंहदेव, उद्योग मंत्री अऊ जिला के प्रभारी मंत्री श्री लखमा कवासी, वन मंत्री श्री मोहम्मद अकबर, राजस्व मंत्री श्री जय सिंह अग्रवाल, विधायक श्री मोहन मरकाम, मध्य क्षेत्र आदिवासी विकास प्राधिकरण के अध्यक्ष डॉ.लक्ष्मी ध्रुव, विधायक श्रीमती रंजना दीपेंद्र साहू, जिला पंचायत अध्यक्ष श्री रघुनंदन साहू संग अपर मुख्य सचिव श्री आर. पी. मंडल, प्रधान मुख्य वन संरक्षक श्री राकेश चतुर्वेदी,कलेक्टर श्री रजत बंसल घलोक उपस्थित रहिन।

इहां बताना जरूरी हे कि धमतरी जिला के ये आदिवासी बाहुल्य वन क्षेत्र म बहुत अकन वनोपज मनके उत्पादन होथे। राज्य शासन के उदीम हे कि इंकर संग्रहण अऊ प्रसंस्करण ल बढ़ावा देके इहां के नागरिक मन के जीवकोपार्जन म बढ़ोतरी करे जाय। राज्य शासन कोति ले राज्य के वन क्षेत्र म संग्रहण बर अब 15 वनोपज मन के समर्थन मूल्य निरधारित करे गए हे। अइसन वन वनोपज मन के संग्रहण क्षमता बढ़ाए बर कई ठन गांव म संग्रहण केंद्र मन के स्थापना करे जात हे। तेंदूपत्ता के संग्रहण दर ल घलोक 2500 रूपिया मानक बोरा ले बढ़ा के 4000 रूपिया मानक बोरा करे गए हे। मुख्यमंत्री ह ये बेरा म इहां महिला समूह मन कोति ले माहुल पत्ता ले दोना निर्माण काम, शहद के संग्रहण करके एखर प्रोसेसिंग, सतावर के संग्रहण करके प्रोसेसिंग काम के अवलोकन करिन।

लउछरहा..