मुख्यमंत्री लीस शहरी प्रशासन विभाग के समीक्षा बैठक

रायपुर, 19 जुलाई 2018। मुख्यमंत्री डॉ रमन सिंह ह शहरी प्रशासन विभाग के आधिकारी मन के एक समीक्षा बैठक के काली अध्यक्षता करिन। अधिकारी मन ह शहर अऊ कस्बा मन के विकास बर राज्य अऊ केंद्र सरकार के योजना मन के विस्तृत विश्लेषण प्रस्तुत करिन। शहरी प्रशासन मंत्री श्री अमर अग्रवाल, मुख्य सचिव श्री अजय सिंह, मुख्यमंत्री के प्रधान सचिव श्री अमन कुमार सिंह, शहरी प्रशासन विभाग सचिव डॉ रोहित यादव अऊ आन वरिष्ठ अधिकारी मन ह बैठक म हिस्सा लीन।
अधिकारी मन ह बताइन के केंद्र सरकार ह 2015-2016 ले 2019-2020 वर्षों के अवधि बर ‘अमृत मिशन’ के तहत 2193 करोड़ रुपिया के प्रस्ताव मन ल मंजूरी देहे हे। ए योजना म 9 शहर – रायपुर, बिलासपुर, दुर्ग, भिलाई, राजनंदगांव, अंबिकापुर, जगदलपुर, रायगढ़ अऊ कोरबा सामिल रहिस। 2020 तक सबो विकास काम मन ल पूरा करए के लक्ष्य हे। अधिकांश स्वीकृत राशि (78 प्रतिशत) जल वितरण परियोजना म खर्च करे जात हे, जमो सीवरेज प्रबंधन म 20 प्रतिशत के राशि खर्च होवत हे। कस्बा अऊ शहर मन बर करीबन 176 योजना मन ल मंजूर करे गए हे। ये सबो विकास काम मन ल 2020 तक पूरा करे जाही।
पेयजल के काम विकास के कई ठन चरण मन पूरा होना हे। स्वच्छ भारत मिशन के तहत 168 शहरी निकाय मन म 3.25 लाख शौचालय के लक्ष्य के पाछू 3.17 लाख निजी शौचालय मन के निर्माण करे गए हे। छत्तीसगढ़ ह जनवरी-फरवरी 2018 म तीसरइया पइत सर्वश्रेष्ठ ‘स्वच्छता’ पुरस्कार जीते हे। जेमा अंबिकापुर ल सबले उप्‍पर स्थान मिले हे।
बैठक म बताए गीस के प्रधान मंत्री आवास परियोजना के तहत 3 लाख घर बनाए के लक्ष्य के पाछू 1.65 लाख घर बनाय गए हे। करीबन 46 हजार घर बनइया हे। राजनंदगांव म हाई-टेक बस स्टैंड सितंबर के आखरी तक पूरा हो जाही। समीक्षा बैठक के समय शहरी प्रशासन विभाग के निदेशक श्री निरंजन दास अऊ कई ठन विभाग मन के वरिष्ठ अधिकारी घलोक उपस्थित रहिन।

लउछरहा..