मुख्यमंत्री श्री भूपेश बघेल ह श्री मेघराज साहू ल दीस बधाई

भारतीय सेना म लेफ्टिनेंट बनिस धमतरी जिला के श्री मेघराज

रायपुर, मुख्यमंत्री श्री भूपेश बघेल ह राज्य के धमतरी जिला के बिजनापुरी गांव के एक सामान्‍य परिवार के युवक श्री मेघराज साहू ल भारतीय सेना म लेफ्टिनेंट कमिशन्ड ऑफिसर के रूप म नियुक्त होए म बधाई देहे हें। मुख्यमंत्री ह ऊंखर उज्ज्वल भविष्य के कामना करे हें। श्री बघेल ह कहिन के मेघराज ह पूरा छत्तीसगढ़ के गौरव बढ़ाए हे। उंखर ये सफलता प्रदेश के युवा मन बर प्रेरणादायक हे। हम आप ल बता देवन के श्री मेघराज साहू संघ लोक सेवा आयोग के साल 2016 के परीक्षा म पहिलिच प्रयास म भारतीय सैन्य अकादमी (आई.एम.ए.) देहरादून बर चुने गए रहिन। ओ साल ए कठिन परीक्षा म सफल होवइया श्री मेघराज छत्तीसगढ़ के इकलौता युवा रहिन। उंखर प्रशिक्षण ए महीना के आठ तारीक के सफलतापूर्वक पूरा हो गीस। एखर बाद ओ मन ल राष्ट्रपति श्री रामनाथ कोविंद ह कमिशन्ड लेटर प्रदान करके सम्मानित करे रहिन। उंखर नियुक्ति लेफ्टिनेंट कमिशन्ड ऑफिसर के रूप म होए हे। श्री मेघराज साहू के पिता श्री रमेश कुमार साहू भारतीय सेना म सूबेदार मेजर के रूप म सेवा देवत हें। श्री बघेल ह ऊंखर उज्ज्वल भविष्य के कामना करे हें।

लउछरहा..