मुख्यमंत्री हर बारहवीं बोर्ड मं उत्तीर्ण छात्र-छात्रा मन ल दीन बधाई


(adsbygoogle = window.adsbygoogle || []).push({});

रायपुर, 27 अप्रैल 2017। मुख्यमंत्री डॉ. रमन सिंह हर छत्तीसगढ़ माध्यमिक शिक्षा मंडल ले आज इहां घोषित कक्षा बारहवीं के हायर सेकेण्डरी स्कूल सर्टिफिकेट मुख्य परीक्षा के नतीजा मं उत्तीर्ण जब्बो छात्र-छात्रा मन ल बधाई दे हावें। डॉ. सिंह हर विद्यार्थि मन के उज्ज्वल भविष्य के कामना करे हें। उमन परीक्षा मं फेल अथवा पूरक घोषित छात्र-छात्रा मन ल निराश नइ होए के समझाइश दीन अऊ उमन ले कहिन कि ओ मन पइत फेर नवा उत्साह के संग द़गुना मेहनत ले पढ़ाई करव। ओ मन ल सफलता जरूर मिलही। मुख्यमंत्री हर दसवीं बोर्ड के जइसे बारहवीं बोर्ड के नतीजा मं घलोक बालक मन के तुलना मं बालिका मन के संख्या जादा होए के विशेष रूप ले उल्लेख करिन अऊ कहिन कि ए परीक्षा मं घलोक छत्तीसगढ़ के हमर बेटी मन साबित कर दीन कि पढ़ाई अऊ प्रतिभा के मामला मं ओ मन बालक मन से थेरकोच पीछू नइ हें। मुख्यमंत्री हर परीक्षा के प्रावीण्य सूची मं सामिल छात्र-छात्रा मन ल घलोक बधाई अऊ शुभकामना दीन।


(adsbygoogle = window.adsbygoogle || []).push({});

(adsbygoogle = window.adsbygoogle || []).push({});

लउछरहा..