मुख्यमंत्री ह दीन हलषष्ठी (खमरछठ) के बधाई अऊ शुभकामना

रायपुर, मुख्यमंत्री श्री भूपेश बघेल ह हलषष्ठी (हरछठ-खमरछठ) के अवसर म प्रदेशवासी मन विशेषकर माता मन ल बधाई अऊ शुभकामना दिए हें। श्री बघेल ह कहिन कि हलषष्ठी के दिन माता मन अपन लइका मन के स्वास्थ्य अऊ दीर्घायु बर व्रत रखके प्रार्थना करथें। राज्य सरकार घलोक लइका मन के स्वास्थ्य अऊ पोषण सुरक्षा बर हर संभव उदीम करत हे। मुख्यमंत्री ह कहिन कि आज देश म कुपोषण एक बड़का समस्या हे। अवइया 3 साल म छत्तीसगढ़ ल कुपोषण अऊ एनीमिया ले मुक्‍त करे के लक्ष्य रखे गए हे। कुपोषण खतम करे बर दंतेवाड़ा जिला ले शुरू होए सुपोषण महाअभियान ल 2 अकटूबर गांधी जयंती के दिन ले पूरा प्रदेश म चलाये जाही। ये अभियान के तहत कुपोषण अऊ एनीमिया पीड़ित मन ल रोजेच निःशुल्क भोजन दे जाही। श्री बघेल ह हरछठ के अवसर म सबो लइका मन के स्वस्थ जीवन बर प्रार्थना करत प्रदेशवासी मन ले अपील करे हें कि छत्तीसगढ़ ले कुपोषण दूर करे बर सुपोषण महाभियान म आगू बढ़के सक्रिय भागीदारी निभावंय।

लउछरहा..