राष्ट्रीय व्हीलचेयर क्रिकेट प्रतियोगिता के सेमीफाइनल खेले छत्तीसगढ़ के टीम आज नई दिल्ली रवाना

कर्नाटक के टीम ले 11 फरवरी के दिन होही मुकाबला

रायपुर , 09 फरवरी 2018। राष्ट्रीय व्हीलचेयर क्रिकेट प्रतियोगिता के सेमीफाइनल मैच खेले छत्तीसगढ़ के टीम आज नई दिल्ली बर रवाना होइस। ए प्रतियोगिता के सेमीफाइनल अऊ फाइनल मुकाबला 10 अऊ 11 फरवरी के दिन खेले जाही। पहिली सेमीफाइनल 10 फरवरी के दिन मंझनिया 02 बजे ले नई दिल्ली अऊ उत्तर प्रदेश के टीम मन के बीच खेले जाही अऊ 11 फरवरी के दिन भिनसरहा 08 बजे छत्तीसगढ़ के मुकाबला कर्नाटक ले होही। एखर बाद 11 फरवरी के दिन फाइनल मैच खेले जाही।
आप मन ल बता देवन के पहली पइत राष्ट्रीय व्हीलचेयर क्रिकेट प्रतियोगिता म हिस्सा लेत छत्तीसगढ़ के टीम ह चंडीगढ़ म जनवरी महिना म होए लीग मैच म पंजाब अऊ गुजरात ल हराके सेमीफाइनल म प्रवेश करे रहिस। प्रदेश के टीम ह चार म ले तीन मैच म जीते रहिस। ए अवसर म समाज कल्याण मंत्री श्रीमती रमशीला साहू, विभाग के विशेष सचिव श्री आर प्रसन्ना अऊ संचालक डॉ. संजय अलंग संग विभाग के सबो अधिकारी कर्मचारि मन ह छत्तीसगढ़ व्हीलचेयर क्रिकेट ल विजयी होए बर बहुत अकन शुभकामना देहे हें।


(adsbygoogle = window.adsbygoogle || []).push({});

लउछरहा..