राष्ट्रीय शौर्य पुरस्कार बर आवेदन 8 सितंबर तक आमंत्रित

छत्तीसगढ़ राज्य बाल कल्याण परिषद कोति ले राष्ट्रीय शौर्य पुरस्कार साल 2018 बर 8 सितंबर 2018 तक आवेदन आमंत्रित करे गए हे। ये पुरस्कार 6 साल ले 18 साल तक आयु वर्ग के उन लइका मन ल देहे जाही, जे ह कोनो घटना विशेष म असाधारण वीरता, अदम्य साहस अउ बुद्धिमतापूर्ण उत्कृष्ठ काम करे हे, जऊन आन बर उदाहरण अउ प्रेरणास्त्रोत बन सकय।
महिला अउ बाल विकास विभाग के कार्यक्रम अधिकारी ह बताइस कि ए प्रकार के काम कोनो के जीवनरक्षा या ओकर शारीरिक क्षति ले बचाव के दृष्टि ले निःस्वार्थ भाव ले परिपूर्ण होना चाही। शौर्य काम एक जुलाई 2017 ले 30 जून 2018 के बीच के होना चाही। पुरस्कार बर चुने गए बालक, बालिका मन ल भारत शासन कोति ले मेडल, प्रशस्ति-पत्र अउ नगद राशि पुरस्कार स्वरूप प्रदान करे जाथे। जादा जानकारी बर या आवेदनकर्ता अपन व्यक्तिगत प्रोफाईल, एफ.आई.आर. या पुलिस डायरी, समाचार पत्र के कतरन संग आवेदन 8 सितमबर 2018 तक अपन जिला के कार्यक्रम अधिकारी, महिला अउ बाल विकास विभाग के कार्यालय ले संपर्क कर सकत हें। एखर बर सक्षम अधिकारी कोति ले प्रमाणित 2 पासपोर्ट साईज के अभी हाले के रंगीन फोटो अउ 4 अकतहा पासपोर्ट साईज के फोटो संलग्न करना होही। निरधारित आवेदन पत्र अंगरेजी म भर के घटना के विस्तृत विवरण प्रतिवेदन सक्षम अधिकारी (महिला बाल विकास विभाग/पुलिस या आन विभाग) कोति ले सत्यापित करा के 3 प्रति म दे जाय। जिला के अंतर्गत अइसन उपलब्धि प्राप्त लइका अथवा ऊंखर अभिभावक ओ पुरस्कार बर निरधारित आवेदन पत्र जिला स्तर म जिला कार्यक्रम अधिकारी/महिला अउ बाल विकास अधिकारी/जिला बाल संरक्षण अधिकारी महासमुंद के कार्यालय ले संपर्क करके प्राप्त कर सकत हें।


(adsbygoogle = window.adsbygoogle || []).push({});

लउछरहा..