राहुल पप्‍पु नहीं पापा : अठावले

राहुल ल अठावले दीस बड़का सलाह

वेब पोर्टल मन के खबर के मुताबिक केंद्रीय मंत्री रामदास अठावले ह कांग्रेस अध्यक्ष राहुल गांधी ल बड़का सलाह देहे हे। उमन कहे हे के राहुल गांधी ल पप्पू बोलथें, फेर मोर सुझाव हे के उनला पप्पू नहीं पापा होना चाही। राहुल ल पापा होए बर जल्दी बिहाव करना चाही। बता देवन के अठावले के पार्टी आरपीआई (ए) एनडीए के एक सहयोगी दल हे।
तीन राज्य मन म मिले कांग्रेस के जीत उपर पत्रकार मन के सवाल के उत्‍तर म अठावले ह कहिन के राहुल गांधी एक परिपक्व नेता बन गे हे। उमन कहिन के राजस्थान, छत्तीसगढ़ अऊ मध्यप्रदेश म भाजपा के चुनावी हार के प्रधानमंत्री नरेंद्र मोदी ले कुछ लेना-देना नइ हे। चुनाव म हार भाजपा के हे न कि नरेंद्र मोदी के।

लउछरहा..