लंबित प्रकरण मन के लउहे निराकरण करव : डी.जी.पी.

रायपुर, पुलिस महानिदेशक श्री डी. एम. अवस्थी ह आज पुलिस मुख्यालय, अटल नगर, रायपुर म सबो शाखा मन के वरिष्ठ अधिकारी मन के बैठक लीन। उमन अधिकारी मन ल निर्देशित करिन के शासन कोति ले अवइया पत्र या माननीय मंत्री गण के इहां ले अवइया प्रस्ताव मन के निराकरण समय-सीमा म करे जाना चाही। अइसनहे पुलिस विभाग म प्रदेशभर ले अवइया शिकायत मन के जांच अऊ निराकरण म घलोक तेजी लावव। पुलिस के आधुनिकीकरण, वाहन मन के क्रय करे जाना अऊ पुलिस मुख्यालय के कई ठन शाखा मन म क्रय करे जवइया समान मन के आपूर्ति बर क्रय समिति अऊ तकनीकी समिति के गठन करके पूरा पारदर्शिता बरतत सामान क्रय करे जाय।
पुलिस महानिदेशक श्री अवस्थी ह कर्मचारी मन के नियुक्ति अऊ पदोन्नति के प्रस्ताव मन ल तर्क संगत रूप ले बनाए के निर्देश दीन। उमन कहिन के पदोन्नति म सबो वर्ग के कर्मचारी मन के केडर के संख्या के मुताबिक जरूरी होही त सेवा भर्ती नियम मन म संशोधन घलोक करे जाना चाही, जेखर से सबो वर्ग के कर्मचारी मन ल समान रूप ले पदोन्नति के लाभ मिल सकय। बैठक म महानिदेशक श्री संजय पिल्ले, श्री आर. के. विज, अकतहा पुलिस महानिदेशक श्री अशोक जुनेजा, श्री पवन देव संग सबो शाखाओं के अधिकारी उपस्थित रहिन।

लउछरहा..