विकास के राह म सूरूज जइसे चमकत हवय नवा सूरजपुर जिला : डॉ. रमन सिंह

  • करीबन 227 करोड़ रूपिया के लागत के विकास कार्य मन के लोकार्पण अऊ भूमिपूजन
  • शासकीय महाविद्यालय ओड़गी के नामकरण स्वर्गीय श्री शिवप्रताप सिंह अऊ शासकीय महाविद्यालय सिलफिली के नामकरण स्वर्गीय श्री मुरारी लाल सिंह के नाम म करे के घोषणा
  • करीबन 22 हजार हितग्राही मन ल 7.78 करोड़ रूपिया के सामान अऊ अनुदान राशि

सूरजपुर, 20 मई 2018। मुख्यमंत्री डॉ. रमन सिंह ह आज प्रदेश व्यापी विकास यात्रा के बेरा म सूरजपुर जिला के ग्राम उचडीह म विशाल आम सभा ल संबोधित करिन। उमन कहिन कि नवा सूरजपुर जिला विकास के रद्दा म सूरूज के जइसे चमकत सरलग आगू बढ़त हे। सूरजपुर ल साल 2012 म जिला बनाय गए रहिस।
मुख्यमंत्री ह कहा-जिला निर्माण के बाद ए अंचल के किसान मन, मजदूर मन अऊ आदिवासी मन के संग समाज के सबो जरूरतमंद वर्ग मन के जीवन म अड़बड़ बदलाव आए हे। जिला बने ले इहां विकास के गति म तेजी आए हे। सूरजपुर प्रदेश म सबले जादा फल अऊ फूल के उत्पादन करइया जिला हे। मुख्यमंत्री डॉ. सिंह प्रदेश व्यापी विकास यात्रा के बेरा सूरजपुर जिला के उचडीह ग्राम म आयोजित आमसभा ल संबोधित करत रहिन। उमन आम सभा म ए अंचल के वरिष्ठ आदिवासी नेता, पूर्व मंत्री, पूर्व विधायक अऊ पूर्व सांसद स्वर्गीय श्री शिवप्रताप सिंह ल विशेष रूप ले याद करिन अऊ जिला के ओड़गी स्थित शासकीय महाविद्यालय के नामकरण ऊंखर नाम म करे के घोषणा करिन। डॉ. सिंह ह शासकीय महाविद्यालय सिलफिली के नामकरण क्षेत्र के वरिष्ठ आदिवासी नेता पूर्व सांसद स्वर्गीय श्री मुरारी लाल सिंह के नाम म करे के घलोक ऐलान करिन।

पूरा समाचार संवाद के वेबसाईट म हिन्‍दी म इंहा हावय।

लउछरहा..