विश्व बैंक प्रमुख ह प्रधानमंत्री नरेंद्र मोदी के जमके करिस बड़ई

विश्व बैंक प्रमुख जिम यांग किम ह प्रधानमंत्री नरेंद्र मोदी के जमके बड़ई करे हे। उमन कहिन कि भारतीय प्रधानमंत्री जइसे नेता दुनिया म बहुत कम हे। ये बात उमन इकॉनॉमिक टाइम्स म प्रकाशित पीएम मोदी हैज टेकन सीरियस बिजनेस रेग्युलेट्री रीफॉर्म्स नाम के सीरसक वाले लेख म कहे हें।
विश्व बैंक प्रमुख जिम यांग किम विश्व बैंक के 12वां अध्यक्ष हे अऊ कोरियाई अमेरिकी फिजिशियन हे। उमन आलेख म लिखे हें के 15 साल पहिली वर्ल्ड बैंक ह पहली डुइंग बिजनेस इंडेक्स रिपोट जारी करके हर देश ल एक रैंक दे रहिस। 2014 म 189 देश मन म भारत 142वां पायदान म रहिस। विश्व बैंक के प्रमुख के मुताबिक प्रधानमंत्री मोदी भारत के रैंक ले निराश रहिन अऊ उमन शीर्ष 50 देश मन म आए ल लेके अपन दृष्टिकोण साझा करे रहिन अऊ विश्व बैंक समूह ले ए सपना ल साकार करे बर जानकारी अऊ सलाह मांगे गए रहिस। भारत ह ओखर बाद कारोबार नियम मन म खासा सुधार करिस।
31 अकटूबर के दिन जारी ताजा ईज ऑफ डूइंग बिजनेस इंडेक्स म भारत के रैंक 77 रहिस जेमां के 23 अंकों के बढ़ोत्तरी होए रहिस। पाछू साल भारत के रैंकिंग 100 रहिस।

लउछरहा..