वोटिंग के बेरा म मछेव (मधुमक्‍खी) के हमला, 6 घायल

छत्तीसगढ़ म सात सीट म आज तीसर चरन के मतदान होवत हे। इहां जशपुर के कुनकुरी इलाका म वोटिंग के बेरा म मतादाता मन के जब लाइन लगे रहिस, तभे अचानक मछेव (मधुमक्‍खी) मन ह मतदाता मन उपर हमला कर दीन। नइ दुनिया के समाचार के मुताबिक इहां मछेव (मधुमक्‍खी) मन के ये हमला ल बूथ म हड़कंप मच गए अउ ये हमला म छे मनखे घायल हो गे।



नई दुनिया के बताती घायल मन म तीन स्काउट गाइड के छात्रा मन अउ दू छात्र संगेच एक वोटर सामिल हे। बूथ नंबर 73, 74 , 75 म ए घटना के सेती अफरातफरी मच गीस। मछेव (मधुमक्‍खी) मन अचानक आए भीड़ के सेती भन्‍ना गइन अउ हमला कर दीन। बताथें के शासकीय कन्या शाला परिसर म मछेव (मधुमक्‍खी) के कई ठन छत्ता हवय। जइसे जइसे येमन शांत होइस त फेर मतदान चालू होइस।



लउछरहा..