संसदीय सचिव श्रीमती सुनीति सत्यानंद राठिया पंच-सरपंच मन ले मिले पहुंचिन विधानसभा

रायपुर, 17 फरवरी 2018। संसदीय सचिव अउ लैलूंगा के विधायक श्रीमती सुनीति सत्यानंद राठिया ह आज मंझनिया इहां विधानसभा परिसर म रायगढ़ के पंचायत प्रतिनिधि मन ले मुलाकात करिन। हमर छत्तीसगढ़ योजना के तहत रायगढ़ जिला के करीब 200 पंच-सरपंच दू दिन के अध्ययन प्रवास म रायपुर आए हें। रायगढ़ जिला के पंचायत प्रतिनिधि जब छत्तीसगढ़ विधानसभा के भ्रमण करत रहिन, उही बेरा संसदीय सचिव श्रीमती सुनीति सत्यानंद राठिया उहां पहुंचिन अऊ जनप्रतिनिधि मन ले मुलाकात करिन। श्रीमती राठिया ह पंच-सरपंच मन ले ऊंखर गांव मन म चलत विकास काम मन के बारे म पूछिन। उमन शासन के कई ठन योजना मन के क्रियान्वयन के बारे म घलोक जानकारी लीन। एखर दौरान विधानसभा के अपर सचिव डॉ. सत्येन्द्र तिवारी घलोक मौजूद रहिन।


(adsbygoogle = window.adsbygoogle || []).push({});