संस्कारी शिक्षा ले ही मानव कल्याण संभव: गृहमंत्री श्री ताम्रध्वज साहू

इंस्पायर अवार्ड मानक-2019 के राज्य स्तरीय विज्ञान प्रदर्शनी समापन समारोह म सामिल होइन गृहमंत्री

दुर्ग, गृह मंत्री श्री ताम्रध्वज साहू ह खालसा पब्लिक स्कूल म आयोजित इंस्पायर अवार्ड मानक-2019 के राज्य स्तरीय विज्ञान प्रदर्शनी के समापन समारोह म सामिल होइन। ए अवसर म गृह मंत्री श्री साहू ह बाल वैज्ञानिक मन ल प्रेरित करत कहिन के जीवन म बहुत अकन काम करे ल होथे। सबो काम के एक विशेष महत्व होथे। बाल वैज्ञानिक मन ह जऊन रद्दा चुने हें वो विश्व समुदाय अऊ मानव कल्याण बर विशेष महत्व रखथे। उमन कहिन हे के ये उम्र कुछ विशेष करे अऊ सीखे के होथे। ए उम्र म लइका जऊन कुछ ठान लेथे, ओला कर गुजरे के दृढ़ इच्छा शक्ति होथे। उमन बाल वैज्ञानिक मन के उत्सह-वर्धन करत कहिन के एक निश्चित लक्ष्य निरधारित करके अपन मंजिल के रद्दा अख्तियार करव। बाल वैज्ञानिक के अवधारणा ल सार्थक करव। विज्ञान के क्षेत्र म अपार संभावना हे। ए क्षेत्र म निरंतर नवा खोज अऊ अनुसंधान के संभावना बने रहिथे। बाल वैज्ञानिक अपन सोच अऊ अवधारणा ल स्थापित करत अपन पहचान बनावंय।
Chhattisgarhi : Website Localization, Translation & Transcription Services. Halbi, Gondi, Sargujiya & Chhattisgarhi.
उमन शिक्षक मन ल अपन सलाह देवत कहिन के केवल पाठ्यक्रम उपर आधारित शिक्षा नइ होनी चाही। पाठ्यक्रम के संगेच कई ठन गतिविधि मन उपर आधारित शिक्षा होनी चाही। उमन रोजेच एक काल खण्ड संस्कारी शिक्षा बर निरधारित करत लइका मन ल संस्कारवान बनाए ल कहिन। उमन कहिन के संस्कारी शिक्षा ले ही मानव जगत अऊ विश्व के कल्याण करे जा सकत हे। ए अवसर म गृह मंत्री श्री साहू ह बाल वैज्ञानिक मन ल शुभकामना देवत अपन सोच अऊ वैज्ञानिक अवधारणा ल बनाए रखे बर आशीर्वचन दीन।

लउछरहा..