स्कूल शिक्षा मंत्री श्री केदार कश्यप ह राज्य के 41 स्वच्छ विद्यालय मन ल करे गीस पुरस्कृत

रायपुर, 20 जुलाई 2018। स्कूल शिक्षा मंत्री श्री केदार कश्यप आज इहां सिविल लाइन स्थित न्यू सर्किट हाउस म राज्य स्तरीय स्वच्छ विद्यालय पुरस्कार साल 2017-18 के सम्मान समारोह म मुख्य अतिथ के रूप म सामिल होइन। उमन पुरस्कार बर चुने गए 41 विद्यालय मन के संबंधित जिला शिक्षा अधिकारी, प्राचार्य, गुरूजनों अउ पढ़ईया लईका मन ल अपन बधाई अउ शुभकामना दीन। उमन कहिन कि देश के प्रधानमंत्री श्री मोदी ह स्वच्छ भारत मिशन के तहत स्वच्छता बर एक अभियान चलाय हे जेखर से स्वच्छता एक नैतिक जिम्मेदारी हो गए हे। हमला स्वच्छता ल स्व-प्रेरणा ले कर्त्तव्य समझना चाही। कार्यक्रम के अध्यक्षता करत संसदीय सचिव श्री अंबेश जांगड़े ह कहिन पुरस्कार प्राप्त होए ले अपेक्षा बाढ़थे। आप मन बेहतर ले बेहतर काम करव ताकि आन मनखे घलोक आपसे प्रेरणा ले सकयं। श्री जांगड़े ह कहिन कि विद्यालय मन म वृक्षारोपण घलोक करव।
जऊन विद्यालय मन ल पुरस्कृत करे गीस हे, वोमा बालोद जिला के शासकीय हाईस्कूल खलारी, बलौदाबाजार-भाटापारा जिला के शासकीय पंचम दीवान शासकीय कन्या स्कूल भाटापारा, बलरामपुर जिला के केजीबीव्ही रामानुजगंज, बस्तर जिला के शासकीय माध्यमिक स्कूल मांझीगुड़ा, शासकीय माध्यमिक मॉडल स्कूल करमारी (परचनपाल) अऊ शासकीय उच्चतर माध्यमिक विद्यालय बड़े मोरथपाल तोकापाल कस्तूरबा गांधी बालिका विद्यालय, बेमेतरा जिला के शासकीय प्राथमिक स्कूल जुन्ना बाड़ा अऊ कस्तूरबा गांधी बालिका विद्यालय बेमेतरा, बिलासपुर जिला के शासकीय प्राथमिक स्कूल सराइथा पाली अऊ शासकीय उच्चतर माध्यमिक बालक विद्यालय चिचिरदा, धमतरी जिला के शासकीय हायर सेकेंडरी स्कूल कोर्रा, दुर्ग जिला के शासकीय प्राथमिक शाला पोटिया (हिर्री), शासकीय जादा प्राथमिक शाला पोटिया (हिर्री), शासकीय नवीन सेकेण्डरी स्कूल खुडमुड़ी, शासकीय हायर सेकेण्डरी स्कूल कुम्हारी अऊ शासकीय जादा प्राथमिक शाला अपग्रेड अंजोरा (ढाबा), कांकेर जिला के शासकीय प्राथमिक शाला पी.व्ही. 131 अऊ शासकीय हायर सेकेण्डरी स्कूल छोटेबेठिया, कबीरधाम जिला के अनुसूचित जनजाति आश्रम कन्या प्राथमिक शाला कुन्डा, कोण्डागांव जिला के शासकीय प्राथमिक शाला कोडकेरा, शासकीय आदिवासी कस्तूरबा गांधी बालिका विद्यालय अड़काछेपड़ा 2, कोण्डागांव, कोरबा जिला के कस्तूरबा गांधी बालिका विद्यालय कोरबा, शासकीय हायर सेकेण्डरी स्कूल मोरगा, जैन पब्लिक स्कूल गोढ़ी कोरबा अऊ सरस्वती हायर सेकेण्डरी स्कूल सीएसईबी कोरबा, महासमुंद जिला के कस्तूरबा गांधी बालिका विद्यालय लाखागढ़ पिथौरा, मुंगेली जिला के नवीन प्राथमिक शाला पीथमपुर बिचारपुर, रायगढ़ जिला के शासकीय प्राथमिक शाला रामखोंदरा, शासकीय हायर सेकेण्डरी स्कूल कोतरा, मोनेट डीएव्ही पब्लिक स्कूल नहरपाली, शासकीय कन्या हायर सेकेण्डरी स्कूल सरिया, रायपुर जिला के शासकीय उच्चतर माध्यमिक विद्यालय केन्द्री, शासकीय हाईस्कूल सुंदरकेरा, राजनांदगांव जिला के दिल्ली पब्लिक स्कूल बनभेडी, सूरजपुर जिला के साधुराम विद्या मंदिर, सरगुजा जिला के कस्तूरबा गांधी बालिका विद्यालय अम्बिकापुर, माध्यमिक शाला गोरटा, संत मोंट फोर्ट हायर सेकेण्डरी स्कूल बनया, शासकीय माध्यमिक शाला फुन्दुलडिहारी, शासकीय हायर सेकेण्डरी स्कूल कन्या मनिपुर अम्बिकापुर सामिल हे।
ए अवसर म राज्य शिक्षा आयोग के अध्यक्ष श्री चंद्रभूषण शर्मा, संस्कृत विद्यामण्डलम् के अध्यक्ष स्‍वामी परमात्मानंद, लोक शिक्षण संचालक श्री एस. प्रकाश संग बड़ संख्या म शिक्षक-शिक्षिका अउ छात्र-छात्रा मन उपस्थित रहिन।

लउछरहा..