रायपुर, लल्लूराम के खबर के मुताबिक राजधानी म पुलिस कोति ले सड़क हादसा म लगाम कसे बर शुरू करे ‘एव्री हेड हैलमेट’ अभियान म ब्लू लाइन टीएमटी एंड पाइप्स निरोस इस्पात कंपनी सक्रिय भूमिका निभावत हे।
पुलिस के सहयोग ले रक्षाबंधन म शहर के सिविल लाइन अऊ तेलीबांधा थाना, टिकरापारा थाना, जुन्ना बस्ती थाना म आम मनखे मन ल करीबन 1500 नि:शुल्क हैलमेट वितरण करे गीस। आयोजन म रक्षाबंधन त्योहार के भावना ल ध्यान म रखत महिला अउ पुरुष ल फोकट म हेलमेट देहे के संग यातायात सुरक्षा के संकल्प देवाए गीस।
ये बेरा म जुन्ना बस्ती पुलिस थाना प्रभारी दुगेश रावटे, लाखेनगर के पार्षद गोवर्धन शर्मा, आरटीआई कार्यकर्ता अनिल अग्रवाल, ब्लू लाइन टीएमटी के कौशल शर्मा, कपिल शर्मा, पवन द्विवेदी, अमन जैन व आन प्रतिनिधि घलोक मौजूद रहिन।
