कुपोषण आज देश के सबले बड़े समस्या : मुख्यमंत्री श्री बघेल

  • मुख्यमंत्री ह सुपोषित दंतेवाड़ा अभियान म महिला मन अऊ लइका मन ल परोसिन पौष्टिक भोजन
  • बिहान महिला समूह के सम्मेलन म होइन सामिल
  • 125 करोड़ रूपिया के कई ठन विकास कार्य के दीन सौगात

रायपुर, मुख्यमंत्री श्री भूपेश बघेल बस्तर संभाग के दू दिन के प्रवास के पहिली दिन आज जिला मुख्यायाल दंतेवाड़ा म सुपोषित दंतेवाड़ा सुपोषण अभियान अऊ बिहान महिला समूह के सम्मेलन म शाामिल होइन। मुख्यमंत्री ह स्थानीय मेढका डोबरा स्टेडियम म अभियान के तहत महिला मन अऊ लइका मन ल गरम पोष्टिक भोजन परोसिन। मुख्यमंत्री ह ये मौका म करीबन 125 करोड़ रूपिया के 30 कई ठन विकास काम मन के लोकापर्ण अऊ जमीन पूजन करिन।
मुख्यमंत्री श्री बघेल ह कार्यक्रम ल संबोधित करत कहिन कि आज देश के आगू कुपोषण एक बड़का समस्या हे। कहूं लइका कमजोर होही त आगू चलके वो कमजोर नागरिक बनही। एखर बर जरूरी हे कि ओ मन ल समय म सही पोषण मिलय। राज्य सरकार ह प्रदेश ल कुपोषण ले मुक्ति देवाए के संकल्प ले हे अऊ इही मुताबिक पायलट प्रोजेक्ट के रूप म दंतेवाड़ा अऊ बस्तर जिला के पंचायत मन म सुपोषण अभियान के तहत महिला, किशोरी बालिका अऊ लइका मन ल गरम पोष्टिक भोजन रोजेच देहे जावत हे। मुख्यमंत्री ह कहिन गांधी जी के 150 वीं जयंती 2 अकटूबर ले ये अभियान पूरा प्रदेश म चलाये जाही। उमन कहिन कि अइसनहे बस्तर अंचल के सुदुर क्षेत्र मन म रहइया मनखे मन ल समय म चिकित्सा सुविधा नइ मिल पात रहिस एला देखत राज्य सरकार ह इहां के हॉट बाजार के दिन उहां चिकित्सक अऊ पैरामेडिकल के टीम के उपस्थिति सुनिश्चित करके गांव वाले मन ल चिकित्सा सुविधा के लाभ देवात हे। एला घलोक अवइया 2 अकटूबर ले पूरा प्रदेश म लागू करे जाही।

लउछरहा..