कोटवार ले लेके कलेक्टर ल अऊ वार्ड पंच ले लेके विधायक तक ल रियायती दर म चावल देहे जाही: मंत्री श्री अमरजीत भगत

  • सब ल मिलही रियायती दर म राशन: मंत्री श्री अमरजीत भगत
  • नवा राशन कार्ड वितरण शिविर म सामिल होइन खाद्य मंत्री

    रायपुर, खाद्य, नागरिक आपूर्ति अऊ उपभोक्ता संरक्षण मंत्री श्री अमरजीत भगत आज सरगुजा जिला के सीतापुर के नगर पंचायत कार्यालय परिसर म आयोजित राशन कार्ड वितरण शिविर के शुभारंभ करिस।

ये शिविर म करीबन 1000 हितग्राही मन ल नवा राशन कार्ड बांटे गीस। मंत्री श्री भगत ह ये बेरा म कहिन कि मुख्यमंत्री भूपेश बघेल के सियानी म राज्य शासन ह सब ला रियाती दर म राशन देहे के बीड़ा उठाए हे। उमन कहिन कि बिना लुकाव-छिपाए राशन बांटे बर राशन कार्ड मन के सत्यापन अभियान चलाए गए रहिस। सबो राशन कार्ड के सत्यापन कर ले गए हे अऊ नवा राशन कार्ड मन के बंटई घलोक शुरू कर दे गए हे। आज सीतापुर नगर पंचायत म शिविर लगाके राशन कार्ड बांटे गइस। श्री भगत ह ये बेरा म कहिन कि छत्तीसगढ़ सरकार ह निर्णय लेहे हे कि कोटवार ले लेके कलेक्टर ल अऊ वार्ड पंच ले लेके विधायक तक ल रियायती दर म चावल देहे जाही। उमन कहिन कि जिंकर नवा राशन कार्ड नइ बन पाए हे ओ मन ल जुन्ना कार्ड ले ही राशन मिलही। ये बेरा म पार्षद श्री कृष्ण कुमार अग्रवाल अऊ बड़ संख्या म नागरिक उपस्थित रहिन।

लउछरहा..