टेबल मन के संख्या बढ़ाए, टोकन सिसटम शुरू करे अऊ मनखे मन बर पानी अऊ पंखा के व्यवस्था के दीन निर्देश
रायपुर, खाद्य, नागरिक आपूर्ति अऊ उपभोक्ता संरक्षण मंत्री श्री अमरजीत भगत ह आज इहां राजधानी रायपुर के मोवा स्थित सामुदायिक केन्द्र पहुंचके उहां चलत राशनकार्ड नवीनीकरण काम के जायजा लीन। खाद्य मंत्री अमरजीत भगत ह राशनकार्ड नवीनीकरण बर आए मनखे मन ले चर्चा करके उहां के व्यवस्था मन के जायजा लीन अऊ केन्द्र मन म टेबल मन के संख्या बढ़ाए अऊ टोकन सिसटम चालू करे के निर्देश दीन ताकि मनखे आसानी ले अपन राशनकार्ड के नवीनीकरण करा सकयं। उमन केन्द्र मन म मनखे मन के पीए बर पानी अऊ पंखा के घलोक बने व्यवस्था करे के निर्देश नगर निगम अऊ जिला प्रशासन ल दीन हे। ये बेरा म खाद्य विभाग के विशेष सचिव श्री मनोज कुमार सोनी संग आन अधिकारी उपस्थित रहिन।
